Published : 30 Sep 2020 01:37 IST

ఎల్‌ఏసీపై చైనా వ్యాఖ్యల్ని తిప్పికొట్టిన భారత్‌!

దిల్లీ: భారత్‌, చైనా సరిహద్దులోని వాస్తవాధీనరేఖ(ఎల్‌ఏసీ)ను చైనా ఏకపక్షంగా నిర్వచించడాన్ని భారత్‌ తీవ్రంగా ఖండించింది. చైనా 1959లో ఏకపక్షంగా ప్రతిపాదించిన ఎల్‌ఏసీని తాము ఎప్పటికీ అంగీకరించమని భారత విదేశాంగ శాఖ పొరుగు దేశానికి గట్టిగా బదులిచ్చింది. ఈ మేరకు భారత విదేశాంగ శాఖ ప్రతినిధి అనురాగ్‌ శ్రీవాస్తవ మీడియాతో మాట్లాడారు. ‘చైనా 1959లో ఎల్‌ఏసీపై ఏకపక్షంగా చేసిన ప్రతిపాదనలను భారత్‌ ఎప్పటికీ అంగీకరించదు. అప్పటి ఏకపక్ష ప్రతిపాదనలకు చైనా కట్టుబడి ఉన్నట్లు తాజాగా ఆ దేశ విదేశాంగ ప్రతినిధి పేర్కొనడం సరికాదు. ఆయన వ్యాఖ్యల్ని భారత్‌ తీవ్రంగా ఖండిస్తుంది. సరిహద్దు విషయాల్లో ఏకపక్ష నిర్ణయాలు తీసుకోవడాన్ని చైనా తగ్గించాలి. ఒకే ఎల్‌ఏసీ ఉందని చైనా పట్టుబట్టడం ఇరు దేశాల కట్టుబాట్లకు విరుద్ధం’ అని శ్రీవాస్తవ తెలియజేశారు. 

ఈ సందర్భంగా ఆయన భారత్‌, చైనా మధ్య 1993, 1996, 2005లో జరిగిన పలు ద్వైపాక్షిక ఒప్పందాలను గుర్తుచేశారు. ఇటీవల చైనా విదేశాంగ ప్రతినిధి ఓ మీడియాతో మాట్లాడుతూ.. ఎల్‌ఏసీ విషయంలో చైనా 1959లో అప్పటి భారత ప్రధాని జవహార్‌లాల్‌ నెహ్రూకు చేసిన ప్రతిపాదనలకు కట్టుబడి ఉందని అన్నారు. కాగా వాస్తవాధీన రేఖ విషయంలో భారత్‌, చైనా మధ్య గత కొద్ది నెలలుగా ఉద్రిక్త పరిస్థితులు నెలకొన్న విషయం తెలిసిందే.

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని