Published : 16/08/2020 14:10 IST

74ఏళ్ల పురోగతి ప్రతిబింబిస్తోంది..కమలా హారిస్‌

స్వాతంత్ర్య దినోత్సవ శుభాకాంక్షలు తెలిపిన హారిస్‌

దిల్లీ: అమెరికా ఉపాధ్యక్ష పదవికి పోటీలో ఉన్న డెమొక్రటిక్‌ నాయకురాలు కమలా హారిస్‌ భారత ప్రజలకు స్వాతంత్ర్య దినోత్సవ శుభాకాంక్షలు తెలిపారు. గడిచిన దశాబ్దాల్లో భారత్‌ సాధించిన పురోగతి ప్రస్తుతం ప్రతిబింబిస్తోందని అభిప్రాయపడ్డారు. ‘న్యాయం కోసం చేసిన పోరాటంలో మన ప్రజలు చెప్పుకోదగిన పురోగతి సాధించారు. గత 74 సంవత్సరాల పురోగతి ప్రతిబింబిస్తోంది. మరింత మంచి భవిష్యత్తును నిర్మించడానికి మనమందరం కట్టుబడి ఉందాం. ఈ సమయంలో స్వాతంత్ర్య దినోత్సవ వేడుకల్లో పాలుపంచుకోవడం ఆనందంగా ఉంది’ అని కమలా హారిస్‌ ట్విటర్‌లో వెల్లడించారు.

అమెరికా అధ్యక్షుడి బరిలో ఉన్న జో బైడెన్‌తో కలిసి కమలా హారిస్‌ ఎన్నికల ప్రచారకార్యక్రమాలు నిర్వహిస్తున్నారు. దీనిలో భాగంగా ఇండియన్‌-అమెరికన్‌ సంఘం ఏర్పాటు చేసిన ఓ కార్యక్రమంలో కమలా హారిస్‌ భారత్‌తో ఉన్న అనుబంధాన్ని నెమరువేసుకున్నారు. భారతదేశ స్వాతంత్ర్యం పోరాటంలో అసలైన హీరోల విజయగాథలను చిన్నతనంలో చెన్నైబీచ్‌లో నడుస్తూ..తన తాతగారు చెప్పిన విషయాలను కమలా హారిస్‌ గుర్తుచేసుకున్నారు. అంతేకాకుండా తన తల్లి శ్యామలా చేసిన ఇడ్లీ లాంటి కమ్మని ప్రేమ గుర్తులను కమలా హారిస్‌ ఈ సందర్భంగా అక్కడివారితో పంచుకున్నారు.

ఇదిలాఉంటే, అమెరికా అధ్యక్షుడిగా జో బైడెన్‌ను ఎన్నుకుంటే హెచ్‌-1బీ వీసా వ్యవస్థను ప్రక్షాళన చేస్తామని అంతకుముందు జరిగిన ప్రచారకార్యక్రమంలో ఆయన ప్రచారబృందం ప్రకటించిన విషయం తెలిసిందే.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని