Updated : 27 Dec 2020 17:45 IST

కనీస మద్దతు ధర కొనసాగుతుంది: రాజ్‌నాథ్‌

దిల్లీ: ప్రభుత్వం రైతుల పంటలకు ప్రభుత్వం తప్పకుండా కనీస మద్దతు ధర కల్పిస్తుందని కేంద్ర రక్షణశాఖ మంత్రి రాజ్‌నాథ్‌ సింగ్‌ భరోసా ఇచ్చారు. అదేవిధంగా మండీ వ్యవస్థ సైతం కొనసాగుతుందని ఆయన వెల్లడించారు. హిమాచల్‌ప్రదేశ్‌లో జైరాంఠాకూర్‌ నేతృత్వంలోని ప్రభుత్వం మూడేళ్లు పూర్తి చేసుకున్న సందర్భంగా ఆదివారం ఆయన వర్చువల్‌ సమావేశంలో మాట్లాడారు. ‘రైతుల పంటలకు కనీస మద్దతు ధర తప్పకుండా ఉంటుంది. రైతుల భూముల్ని ఎవరూ తీసుకోలేరు. వ్యవసాయం గురించి తెలియని వ్యక్తులు అమాయక రైతుల్ని తప్పుదోవ పట్టించడం ఎంతో దురదృష్టకరం. భవిష్యత్తులో మండీ వ్యవస్థ గురించి ఎవరూ భయపడాల్సిన అవసరం లేదు. ఎంఎస్‌పీ సహా మండీ వ్యవస్థలు కొనసాగుతాయి’ అని రాజ్‌నాథ్‌ తెలిపారు. 

హిమాచల్‌ప్రదేశ్‌లో అభివృద్ధి గురించి మాట్లాడుతూ.. ‘యూపీఏ హయాంలో రాష్ట్ర అభివృద్ధికి కేవలం రూ.22వేల కోట్లు మాత్రమే ఇచ్చారు. కానీ మోదీ ప్రభుత్వం అధికారంలోకి వచ్చాక అంతకు మూడు రెట్లు ఎక్కువ నిధులు ఇచ్చింది’ అని రాజ్‌నాథ్‌ వెల్లడించారు. 

కేంద్ర వ్యవసాయ చట్టాలకు వ్యతిరేకంగా గత నెల రోజుల నుంచి దిల్లీ సరిహద్దుల్లో రైతులు ఆందోళనలు చేస్తున్న విషయం తెలిసిందే. ఈ విషయమై కేంద్రంతో రైతులు పలుమార్లు చర్చలు జరిపినప్పటికీ.. రైతుల డిమాండ్లపై కేంద్రం ఏకీభవించకపోవడంతో చర్చలు విఫలమయ్యాయి. మూడు చట్టాలను రద్దు చేసే వరకు ఆందోళనలు కొనసాగుతాయని రైతులు చెబుతున్నారు. కాగా డిసెంబర్‌ 29న మరోసారి కేంద్రంతో చర్చలు జరిపేందుకు రైతు సంఘాలు అంగీకరించాయి. 

ఇదీ చదవండి

wwe స్టార్‌ ల్యూక్‌ హార్పర్‌ మృతి

Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని