రాష్ట్రపతి, ప్రధాని వినాయక చవితి శుభాకాంక్షలు

దిల్లీ: దేశ ప్రజలకు రాష్ట్రపతి రామ్‌నాథ్‌ కోవింద్‌ వినాయక చవితి శుభాకాంక్షలు తెలిపారు. కరోనాను దూరం చేయాలని కోరుకుంటున్నట్లు రాష్ట్రపతి భవన్‌ ఓ ప్రకటన విడుదల చేసింది. ప్రజలకు ప్రధాని నరేంద్ర మోదీ శనివారం వినాయక చవితి శుభాకాంక్షలు తెలిపారు. ఆ గణనాథుడు దీవెనలు దేశ ప్రజలపై ఉండాలని కోరుకున్నారు. ‘గణేష్ చతుర్థి సందర్భంగా మీ అందరికి వినాయక చవితి శుభాకాంక్షలు. విఘ్నేశ్వరుడి ఆశీస్సులు మీపై ఎప్పుడూ ఉండాలి. భగవంతుడు మీకు ఆనందాన్ని, ఆరోగ్యాన్ని ప్రసాదించాలి’ అని ట్వీట్‌ చేశారు. పర్వదినాన్ని పురస్కరించుకొని కేంద్ర హోంశాఖ మంత్రి అమిత్‌షా ట్వీట్ చేశారు. దేశ ప్రజలందరికి హృదయపూర్వక శుభాకాంక్షలు తెలిపారు.