జాతీయ ఉత్తమ ఉపాధ్యాయులు వీరే..

దిల్లీ: జాతీయ ఉత్తమ ఉపాధ్యాయ అవార్డులను కేంద్ర విద్యాశాఖ ప్రకటించింది. దేశవ్యాప్తంగా 47 మందిని జాతీయ ఉత్తమ ఉపాధ్యాయ అవార్డులకు ఎంపిక చేసింది. ఈ ఏడాది ఉత్తమ ఉపాధ్యాయుల జాబితాలో తెలుగు రాష్ట్రాల నుంచి ఇద్దరు ఉపాధ్యాయులు చోటు దక్కించుకున్నారు. శ్రీకాకుళం జిల్లా కాశీబుగ్గ జెడ్పీ పాఠశాల ఉపాధ్యాయుడు మధుబాబు, హైదరాబాద్‌లోని మలక్‌పేట పాఠశాల ఉపాధ్యాయురాలు పద్మప్రియ ఈ ఉత్తమ పురస్కారాలను అందుకోనున్నారు. అన్ని రాష్ట్రాలు/ కేంద్రపాలిత ప్రాంతాల నుంచి మొత్తం 153మందిని షార్ట్‌లిస్ట్‌ చేసిన జ్యూరీ..  చివరకు 47మందిని జాతీయ అవార్డులకు ఎంపిక చేసింది.