ఇందిరకు కృతజ్ఞతలు చెప్తూ రాహుల్ నివాళి

దిల్లీ: మాజీ ప్రధాని ఇందిరా గాంధీ వర్థంతి సందర్భంగా కాంగ్రెస్‌ నేత రాహుల్ గాంధీ ఆమెను గుర్తుచేసుకున్నారు. తనకు మార్గదర్శనం చేసిన నానమ్మకు కృతజ్ఞతలు తెలియజేస్తూ నివాళి అర్పించారు. 1984న ఇదే రోజున దిల్లీలో తన వ్యక్తిగత సంరక్షకుల చేతిలో ఇందిర హత్యకు గురయ్యారు. 

‘అసత్యం నుంచి సత్యం వరకు..చీకటి నుంచి వెలుగు వరకు..మరణం నుంచి జీవితం వరకు..నాకు ఈ పదాల ప్రాముఖ్యతను తెలియజేసినందుకు ధన్యవాదాలు దాదీ’ అంటూ నివాళి అర్పించడంతో పాటు ఇందిర అలనాటి ఫొటోను రాహుల్ ట్విటర్‌లో షేర్ చేశారు. అలాగే, దిల్లీలోని ఇందిర స్మారకమైన ‘శక్తి స్థల్’ వద్ద కాంగ్రెస్ నేత, రాహుల్ సోదరి ప్రియాంకా గాంధీ కూడా తన నానమ్మకు నివాళి అర్పించారు.