సంక్రాంతి నుంచి రామమందిరం నిధుల సేకరణ

అయోధ్య: అయోధ్యలో ప్రతిష్ఠాత్మకంగా నిర్మించనున్న రామమందిరం నిధుల సేకరణ, అవగాహన కార్యక్రమాల తేదీని శ్రీరామ్‌ జన్మభూమి తీర్థ క్షేత్ర ట్రస్టు ప్రకటించింది. మకర సంక్రాంతి పర్వదినాన్ని పురస్కరించుకొని జనవరి 14వ తేదీన ఈ కార్యక్రమాలకు శ్రీకారం చుట్టనున్నట్లు ట్రస్టు స్పష్టం చేసింది. మాఘ పూర్ణిమ వరకు ఈ కార్యక్రమాన్ని నిరంతరాయంగా కొనసాగిస్తామని వెల్లడించింది. నిధుల సేకరణ, అవగాహన కార్యక్రమాలను దేశవ్యాప్తంగా చేపట్టనున్నట్లు ట్విటర్‌ వేదికగా తెలిపింది. ఆలయ ప్రాముఖ్యత, అయోధ్య ఉద్యమంపై ప్రజలకు అవగాహన కల్పించనున్నారు. ఆలయానికి సంబంధించిన నమూనా ఫొటోలను ఈ సందర్భంగా భక్తులకు పంచిపెట్టనున్నారు.

సుదీర్ఘ న్యాయపోరాటం అనంతరం అయోధ్యలో రామమందిరం నిర్మాణానికి సుప్రీం అనుమతించింది. దీంతో ఆలయ నిర్మాణ పనులను కేంద్రం శ్రీరామ్‌ జన్మభూమి తీర్థ క్షేత్ర ట్రస్టుకు అప్పగించింది. కాగా ఈ ఏడాది ఆగస్టులోనే వైభవంగా ఆలయ శంకుస్థాపన చేశారు. ప్రధాని మోదీ పాల్గొని ఆలయ నిర్మాణానికి భూమి పూజ చేశారు.

ఇవీ చదవండి...

గణతంత్ర వేడుకల్లో అయోధ్య రామమందిరం

ధగధగ మెరిసిన అయోధ్య.. గిన్నీస్‌బుక్‌ ప్రశంస