Updated : 06 Nov 2021 09:53 IST

Injection: ఆ ఇంజెక్షన్‌తో 15% బరువు తగ్గిపోవచ్చు!

అమెరికాలో భారీ డిమాండ్‌

న్యూయార్క్‌: అమెరికాలో ‘వీగోవీ’ అనే ఔషధానికి ప్రస్తుతం భారీ డిమాండ్‌ ఏర్పడింది. ఊబకాయంతో బాధపడుతున్న వారంతా ఈ మందు కోసం దుకాణాలకు పోటెత్తుతున్నారు. అమెరికా వయోజనుల్లో మూడో వంతు కంటే ఎక్కువమంది ఊబకాయిలే. దీంతో గిరాకీకి తగ్గట్లుగా సరఫరా చేయలేని పరిస్థితి నెలకొంది. ఇంజెక్షన్‌ రూపంలో తీసుకొనే ఈ మందుతో 15 శాతం వరకు బరువు తగ్గే అవకాశం ఉన్నట్టు తెలుస్తోంది. డెన్మార్క్‌కు చెందిన నోవో నోర్డిస్క్‌ అనే కంపెనీ ‘వీగోవీ’ ఔషధాన్ని తయారుచేస్తోంది. అమెరికాలో దీని వినియోగానికి ఈఏడాది జూన్‌లో అనుమతులు లభించాయి. బరువు తగ్గించే ఓ ఔషధానికి అగ్రరాజ్యంలో అనుమతి లభించడం ఇదే తొలిసారి. గతంలో అనేకం వచ్చినప్పటికీ.. వాటికి నియంత్రణ సంస్థల క్లియరెన్స్‌ లభించలేదు. పైగా తీవ్ర దుష్పభ్రావాలు ఉండేవి. ఈ నేపథ్యంలోనే వీగోవీకి డిమాండ్‌ అమాంతంగా పెరిగిపోయింది. దీన్ని ఇంజెక్షన్‌ రూపంలో వారానికి ఓ డోసు చొప్పున నాలుగు సార్లు తీసుకోవాలి. ఆకలిని నియంత్రించి తద్వారా బరువు తగ్గేందుకు దోహదపడుతుంది. అమెరికాలో ఒక్కసారిగా పెరిగిన డిమాంè్తో దాని తయారీ కంపెనీ ఆదాయం గత త్రైమాసికంలో 41 శాతం ఎగబాకింది. ఈ ఔషధానికి ఇంతలా గిరాకీ పెరగడానికి కొవిడ్‌ కూడా ఓ కారణమని నిపుణులు అభిప్రాయపడుతున్నారు. ఈ ఔషధం వినియోగం వల్ల వాంతులు, యాసిడ్‌ రీఫ్లక్స్‌ వంటి దుష్పభ్రావాలు కూడా ఉన్నట్లు సమాచారం.

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని