Afghanistan: ఆకాశంలో పుట్టిన అఫ్గాన్‌ పాపాయి 

పురుడు పోసిన బ్రిటన్‌ విమాన సిబ్బంది

ఇస్తాంబుల్‌: అఫ్గానిస్థాన్‌ నుంచి శుక్రవారం రాత్రి శరణార్థులతో బయలుదేరిన విమానం.. శనివారం బ్రిటన్‌లో దిగేసరికి ప్రయాణికుల జాబితాలో అదనంగా మరొకరు చేరారు. మార్గంమధ్యలో విమానంలోనే ఓ పాప పుట్టింది. 26 ఏళ్ల సోమన్‌ నూరి తన మూడో బిడ్డకు 30 వేల అడుగుల ఎత్తులో జన్మనిచ్చింది. భర్తతో కలిసి విమానం ఎక్కిన సోమన్‌ నూరికి టేకాఫ్‌ అయిన కాసేపటికే పురిటి నొప్పులొచ్చాయి. ‘‘విమానంలో ఎవరైనా డాక్టర్‌ ఉన్నారా?’’ అంటూ సిబ్బంది అరిచారు. ఎవరూ లేరని తేలడంతో విమాన సిబ్బందే ఆమెకు కాన్పు చేసి సురక్షితంగా బ్రిటన్‌ చేర్చారు. ఆ పాపకు ‘హవా’ అనే పేరు పెట్టారు.