Published : 10 Nov 2020 01:56 IST

మమ్మల్ని ఏడిపిస్తున్నారు..

 ఘోరంగా విఫలమైన ట్రంప్‌ మరో ఆలోచన..

ఇంటర్నెట్‌ డెస్క్: జో బైడెన్‌ విజయానికి వ్యతిరేకంగా ఫిర్యాదులు స్వీకరించే ఉద్దేశంతో.. ఎన్నికలు జరిగిన మరుసటి రోజు డొనాల్డ్‌ ట్రంప్‌ వర్గం ‘ఓటర్‌ ఫ్రాడ్‌ హాట్‌లైన్‌’ పేరుతో ఓ అత్యవసర ఫిర్యాదుల విధానాన్ని ఏర్పాటు చేశారు. ఎన్నికల సందర్భంగా ఏవైనా అనుమానాస్పద సంఘటనలు, వ్యక్తులు తమ దృష్టిలోకి వచ్చి ఉంటే.. ఫోన్‌కాల్‌, ఆన్‌లైన్‌ విధానాల ద్వారా తమకు తెలపాలని వారు కోరారు. దీంతో ఫేక్‌ కాల్స్‌ వెల్లువెత్తాయి. పలువురు నెటిజన్లు ఆ నంబరుకు ఫోన్‌ చేసి చిత్ర విచిత్రమైన అనుభవాలను చెప్పటం మొదలుపెట్టారు. దీంతో వారికి జవాబు చెప్పలేక సంబంధిత ఉద్యోగులు బెంబేలెత్తుతున్నారు.

హాస్య నటుడు అలెక్స్‌ హిర్ష్‌ తాను ఓ వ్యక్తిని చూశానని.. అతను నల్లని టోపీ, నల్ల మాస్క్‌, చారల షర్టు, ఎర్రటి టై కట్టుకుని ఉన్నాడన్నారు. అతని సంచిలో హాంబర్గర్లు ఉండి ఉండవచ్చని.. చూసేందుకు దోపిడీదారు మాదిరిగా ఉన్నాడన్నారు. మరో హాస్యనటుడు నిక్‌ లుట్స్‌కో తనకు ఓ కవర్‌ దొరికిందని.. దానిలో ట్రంప్‌కు చెందిన లక్ష పెన్సిల్వేనియా ఓట్లు ఉన్నాయని.. అవి చాలా ముఖ్యమైనవని అన్నారు. అయితే ఈ విధమైన ఫేక్‌ కాల్స్‌కు డెమొక్రాటిక్‌ పార్టీ వర్గాలే కారణమని ట్రంప్‌ కుమారుడు ఎరిక్‌ ట్రంప్‌ ఆరోపించారు.



Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని