ఆ చట్టాలు రద్దు చేయకుంటే ఖేల్‌రత్న వెనక్కి

దిల్లీ: కేంద్రం నూతనంగా తీసుకొచ్చిన వ్యవసాయ చట్టాలను రద్దుచేయకుంటే తనకు ఇచ్చిన రాజీవ్‌ ఖేల్‌ రత్న అవార్డును వెనక్కి ఇచ్చేస్తానని ప్రముఖ బాక్సర్‌, ఒలింపిక్‌ విజేత విజేందర్‌ తెలిపారు. దిల్లీ సరిహద్దుల్లో ఆందోళన చేస్తున్న రైతులకు ఆదివారం సంఘీభావం ప్రకటించిన ఆయన ఈ మేరకు అవార్డు వెనక్కి ఇచ్చేస్తానని ప్రకటించారు. ఈ సందర్భంగా రైతుల ఆందోళనలో పాల్గొని మాట్లాడారు.

ఇప్పటికే పంజాబ్‌, హరియాణాకు చెందిన పలువురు క్రీడాకారులు రైతుల ఆందోళనకు మద్దతుగా తమ పురస్కారాలను వెనక్కి ఇచ్చేస్తామని ప్రకటించిన సంగతి తెలిసిందే. తాజాగా ఆ జాబితాలో హరియాణాకు చెందిన విజేందర్‌ కూడా చేరారు. పంజాబ్‌ మాజీ ముఖ్యమంత్రి ప్రకాశ్‌ సింగ్‌ బాదల్‌ సైతం తన పద్మ విభూషణ్‌ పురస్కారాన్ని వెనక్కి ఇచ్చి రైతుల ఉద్యమానికి మద్దతు ప్రకటించారు. మరోవైపు వ్యవసాయ చట్టాల రద్దు కోరుతూ రైతులు పిలుపునిచ్చిన భారత్‌ బంద్‌కు పలు రాజకీయ పార్టీలు, ట్రేడ్‌ యూనియన్లు మద్దతు ప్రకటించాయి.

ఇవీ చదవండి..

రైతుల ఆందోళన: పార్లమెంటు ప్రత్యేక సమావేశం?