Published : 09 Nov 2021 19:54 IST

Paytm IPO: మాస్టారి కుమారుడు భారత ఐపీవోలో చరిత్ర సృష్టించాడు

ఇంటర్నెట్‌డెస్క్‌: పేటీఎం ఐపీవోకు అంతా శుభమే జరగాలని ఆర్‌పీజీ ఎంటర్‌ప్రైజెస్‌ చీఫ్‌ హర్ష్‌ గోయంకా ఆకాంక్షించారు. ఆయన ఈ మేరకు పేటీఎం సీఈవో విజయ్‌శేఖర్ శర్మకు ట్విటర్‌లో శుభాకాంక్షలు తెలిపారు. నేటి భారత్‌లో చరిత్ర సృష్టించాలంటే కుటుంబ నేపథ్యం, భారీగా నగదు, మంచి ఇంగ్లిష్‌ రావాల్సిన అవసరం లేదని గోయంకా పేర్కొన్నారు.  ‘‘సరికొత్త భారత్‌లో రాణించాలంటే కలలుగనాలి.. వాటిని కాపాడుకోవాలి.. కష్టపడాలి. చిన్న పట్టణంలో హిందీ మాధ్యమంలో చదువుకొని వచ్చిన ఓ టీచర్‌ కుమారుడు ఇప్పుడు భారత్‌ చరిత్రలోనే అతిపెద్ద ఐపీవోను తీసుకొచ్చారు. విజయ్‌శేఖర్‌ శర్మ మీకు అంతా మంచే జరగాలి’’ అని ట్వీట్‌ చేశారు. 

హర్ష్‌ గోయంకా స్టార్టప్‌లను చాలా ఇష్టపడతారు. ఆయన గతంలో పేటీఎం, జొమాటో, బైజూస్‌, ఓలా, ఫార్మెసీ, జర్దో, ఓయో వంటి స్టార్టప్‌లను పలు సందర్భాల్లో అభినందించారు. అక్టోబర్‌ 18వ తేదీన ట్వీట్‌ చేస్తూ.. ‘‘పేటీఎం, జొమాటో, బైజూస్‌, ఓలా, ఫార్మెసీ, జర్దో, ఓయోలు వినియోగదారులకు, పెట్టుబడిదారులకు మంచి విలువను అందించడంతోపాటు చాలా ఉద్యోగాలను సృష్టించాయి. అభినందనలు. ఇక్కడ ముఖ్యమైన విషయం ఏమిటంటే పునాదుల నుంచి వాటిని నిర్మించారు. ఏ వారసత్వం.. మద్దతులు లేవు. కేవలం వారి రక్తం.. స్వేదం.. కన్నీళ్లే ఉన్నాయి’’ అని పేర్కొన్నారు.


Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని