Delhi: 75 ఏళ్ల స్వాతంత్ర్యం.. దిల్లీలో 75 జాతీయ జెండాల ఏర్పాటుకు కేజ్రీవాల్‌ నిర్ణయం

దిల్లీ: భారత్‌కు స్వాతంత్ర్యం వచ్చి 75 ఏళ్లు పూర్తవుతున్న సందర్భంగా దేశరాజధాని దిల్లీలో 75 జాతీయ జెండాలను ఏర్పాటు చేయనున్నట్టు ఆ రాష్ట్ర ముఖ్యమంత్రి అరవింద్ కేజ్రీవాల్ స్పష్టం చేశారు. 75 స్వాతంత్ర దినోత్సవం నాటికి.. దిల్లీలోని 75 ప్రాంతాల్లో 115 అడుగుల మువ్వన్నెల జెండాలను ఆవిష్కరించనున్నట్లు పేర్కొన్నారు. దిల్లీలో మెుత్తం 500 ప్రాంతాల్లో త్రివర్ణపతాకం ఎగరాలని.. ప్రతీ ఒక్కరూ రోజులో 2, 3 సార్లు జాతీయ జెండాను చూడాలన్నదే తమ లక్ష్యమని వెల్లడించారు. ప్రస్తుత జీవన విధానంలో దేశాన్ని, సమాజాన్ని మరచిపోతున్నామని.. ఈ జెండాలు ప్రతిఒక్కరిలో దేశభక్తిని పెంపొందిస్తాయని కేజ్రీవాల్ ఆశాభావం వ్యక్తం చేశారు.