కరోనా పడగ: 15 రోజుల్లో రెండింతలు ఖాయం

దేశవ్యాప్తంగా వివిధ రాష్ట్రాల్లో కరోనా కేసులు పెరుగుతున్నా, అత్యధిక ప్రభావం మహారాష్ట్రపైనే ఉంది. ఇలాంటి సమయంలో

Published : 15 Apr 2021 19:50 IST

ముంబయి: దేశవ్యాప్తంగా వివిధ రాష్ట్రాల్లో కరోనా కేసులు పెరుగుతున్నా, అత్యధిక ప్రభావం మహారాష్ట్రపైనే ఉంది. ఇలాంటి సమయంలో కరోనా విలయాన్ని ‘ప్రకృతి విపత్తు’గా పరిగణించాలని మహారాష్ట్ర ముఖ్యమంత్రి ఉద్ధవ్‌ ఠాక్రే కేంద్ర ప్రభుత్వానికి విజ్ఞప్తి చేసిన సంగతి తెలిసిందే. తాజాగా కేంద్రానికి రాసిన లేఖలో రాబోయే 15రోజుల్లో కరోనా పాజిటివ్‌ కేసులు రెండింతలయ్యే ప్రమాదముందని ఆందోళన వ్యక్తం చేశారు. ప్రస్తుతం రాష్ట్రంలో 5.64లక్షల యాక్టివ్‌ కేసులు ఉండగా, ఏప్రిల్‌ 30 నాటికి ఈ సంఖ్య 11.9లక్షలకు చేరుతుందని లేఖలో వివరించారు. ఈ నేపథ్యంలో తగిన సదుపాయాలు కల్పించడానికి రాష్ట్రానికి సాయం చేయాల్సిందిగా కోరారు.

రాష్ట్రంలోని వివిధ ఆస్పత్రుల్లో ఆక్సిజన్‌ కొరత తీవ్రంగా వేధిస్తోంది. ఇప్పటికే రోజుకు 1,200 మెట్రిక్‌ టన్నుల ఆక్సిజన్‌ అవసరం అవుతుండగా, నెలాఖరు నాటికి 2వేల మెట్రిక్‌ టన్నులు అవసరం అవుతుందన్నారు. ఇతర రాష్ట్రాల నుంచి ద్రవ రూపంలోని ఆక్సిజన్‌ రవాణాకు అడ్డంకులు ఉన్న నేపథ్యంలో జాతీయ విపత్తు నిర్వహణ  చట్టం కింద విమానాల ద్వారా ఆక్సిజన్ సరఫరా చేయాలని కోరారు.

కరోనాను ఎదుర్కొనేందుకు దీర్ఘకాలిక ప్రణాళిక అవసరం

నాగ్‌పూర్‌: కరోనాను ఎదుర్కొనేందుకు దీర్ఘకాలిక ప్రణాళికలు అవసరమని కేంద్ర మంత్రి నితిన్‌ గడ్కరీ అభిప్రాయపడ్డారు. నాగ్‌పూర్‌లోని నేషనల్‌ క్యానర్‌ సెంటర్‌లో 100 పడకల కొవిడ్‌ ఆస్పత్రిని ప్రారంభించిన సందర్భంగా ఆయన మాట్లాడారు. ప్రస్తుత దేశం విపత్కర పరిస్థితుల్లో ఉందని, ఇది ఎంతకాలం కొనసాగుతుందో చెప్పలేమన్నారు. ఎలాంటి దారుణ పరిస్థితులు ఎదుర్కొనేందుకైనా ప్రజలు సిద్ధంగా ఉండాలని కోరారు. భిలాయ్‌ నుంచి 40 టన్నుల ఆక్సిజన్‌ను నాగ్‌పూర్‌ ఆస్పత్రులకు తరలించినట్లు ఈ సందర్భంగా తెలిపారు.

Read latest India News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని