Published : 24 May 2022 01:18 IST

Nitish Kumar: భాజపాకు వ్యతిరేకంగా నీతీశ్ మరో నిర్ణయం..?

పట్నా: కుల గణనపై త్వరలోనే నిర్ణయం తీసుకుంటామని బిహార్‌ ముఖ్యమంత్రి నీతీశ్‌ కుమార్‌ అన్నారు. దీనిపై ఈ వారాంతంలో అఖిల పక్ష భేటీ జరగనున్నట్లు సూచనప్రాయంగా వెల్లడించారు. మిత్ర పక్ష భాజపాతో నీతీశ్‌కు మనస్పర్థలు తలెత్తినట్లు వార్తలు వస్తోన్న వేళ కుల గణనపై సీఎం ప్రకటన చేయడం ప్రాధాన్యత సంతరించుకుంది. 

‘‘కులగణనకు అనుకూలంగా శాసనసభ, శాసనమండలిలో రెండుసార్లు తీర్మానాలు ఆమోదం పొందాయి. అందువల్ల ఈ ప్రక్రియ ప్రారంభించడంలో ఎలాంటి సమస్య లేదు. దీనికి ప్రతిపక్షాలు కూడా మద్దతిస్తాయని భావిస్తున్నా. ఈ వారంతంలో అఖిల పక్ష భేటీ నిర్వహించి దీనిపై నిర్ణయం తీసుకుంటాం’’ అని నీతీశ్‌ వెల్లడించారు. కులగణనకు భాజపా వ్యతిరేకంగా ఉన్న విషయం తెలిసిందే. దేశవ్యాప్తంగా కులాల వారీ గణన చేపట్టాలని వస్తోన్న డిమాండ్లను కేంద్ర ప్రభుత్వం తిరస్కరించింది. అయితే కుల గణనకు ప్రతిపక్ష ఆర్జేడీ మద్దతివ్వడం గమనార్హం. 

ఈ నేపథ్యంలో నీతీశ్‌ ప్రకటన చర్చనీయాంశంగా మారింది. గత కొన్ని రోజులుగా నీతీశ్‌ పలు విషయాల్లో భాజపాపై బహిరంగంగానే విమర్శలు చేస్తోన్న విషయం తెలిసిందే. ఎన్సార్సీ, ఆర్టికల్‌ 370 తదితర అంశాల్లో కేంద్ర ప్రభుత్వ నిర్ణయాలను నీతీశ్‌ వ్యతిరేకించారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts