Anand Mahindra: తోలుబొమ్మ ‘నాటు నాటు’.. ఆనంద్‌ మహీంద్రా పోస్ట్‌ వైరల్‌

ఇంటర్నెట్‌ డెస్క్‌: సోషల్‌ మీడియాలో చురుకుగా ఉండే ప్రముఖ వ్యాపారవేత్త ఆనంద్ర మహీంద్రా (Anand Mahindra) ఏం పంచుకున్నా అది వైరల్‌ అవుతూనే ఉంటుంది. అలాంటి కంటెంట్‌ను షేర్‌ చేస్తుంటారాయన. ‘ఆస్కార్‌’ (Oscar 2023) పొందిన ‘నాటు నాటు’ (Naatu Naatu) పాట ప్రదర్శనకు సంబంధించి ఇప్పుడాయన చేసిన పోస్ట్‌ నెట్టింట అందరి దృష్టిని ఆకర్షిస్తోంది. అందులో.. ఓ మహిళ తోలుబొమ్మతో ‘నాటు నాటు’ డ్యాన్స్‌ చేయించే దృశ్యాలు ఆసక్తిగా సాగాయి. బీట్‌కు తగ్గట్టు ఆ బొమ్మ చేయి, కాలు కదిలించడాన్ని చూస్తే ‘వావ్‌’ అనాల్సిందే. ఆ మహిళ ప్రతిభకు నెటిజన్లంతా ఫిదా అవుతున్నారు. ఆ ప్రదర్శన ఎక్కడిదో, ఆమె ఎవరో వెల్లడించని ఆనంద్‌ మహీంద్రా.. ‘‘ఈ వీడియో పోస్ట్‌ చేయకుండా ఉండలేకపోయా. ప్రపంచవ్యాప్తం అనడానికి ఇది నిదర్శనం’’ అని పేర్కొన్నారు. ఇంకెందుకు ఆలస్యం ఈ సరికొత్త ‘నాటు నాటు’ను మీరూ చేసేయండి..