School Teachers: ఇకపై టీచర్లకూ డ్రెస్ కోడ్!
ప్రభుత్వ ఆధ్వర్యంలో నడుస్తున్న అన్ని పాఠశాలల ఉపాధ్యాయులకు అస్సాం ప్రభుత్వం డ్రెస్ కోడ్ నిర్ణయించింది. జీన్స్, టీ షర్టులు, లెగ్గిన్స్ను పూర్తిగా నిషేధించింది.
గువాహటి: అస్సాం (Assam) ప్రభుత్వం కీలక నిర్ణయం తీసుకుంది. విద్యార్థులు యూనిఫాం వేసుకున్నట్లే.. రాష్ట్ర ప్రభుత్వ ఆధ్వర్యంలో నడుస్తున్న అన్ని పాఠశాలల ఉపాధ్యాయులకూ డ్రెస్ కోడ్ (dress Code For teachers) నిర్ణయించింది. విధులకు హాజరైనప్పుడు జీన్స్, టీషర్టులు, లెగ్గిన్స్ను పూర్తిగా నిషేధించింది. ఈ మేరకు పాఠశాల విద్యాశాఖ ఉత్తర్వులు జారీ చేసింది. విద్యార్థులు ఉపాధ్యాయుల్ని చూసి ఎన్నో విషయాలు నేర్చుకుంటారని, వారి వస్త్రధారణ కూడా విద్యార్థులపై ప్రభావం చూపుతుందని ఉత్తర్వుల్లో పేర్కొంది. అందుకే వారికి డ్రెస్ కోడ్ తప్పనిసరి చేసినట్లు తెలిపింది.
‘‘కొన్ని పాఠశాల్లోని ఉపాధ్యాయులు తమకు నచ్చిన దుస్తులు వేసుకొని పాఠశాలకు వస్తున్నారని మా దృష్టికి వచ్చింది. ఇది ఏమాత్రం ఆమోదయోగ్యం కాదు. ఉపాధ్యాయులు విద్యార్థులకు ఆదర్శంగా నిలవాలి. వృత్తికి గౌరవం కలిగేలా హుందాగా ఉండే దుస్తులు ధరించడం అవసరం’’ అని పాఠశాల విద్యాశాఖ కార్యదర్శి నారాయణ్ కౌన్వార్ ఉత్తర్వుల్లో పేర్కొన్నారు. ప్రభుత్వ ఆదేశాలను ధిక్కరించిన వారిపై క్రమశిక్షణ చర్యలు తీసుకుంటామని హెచ్చరించారు. రాష్ట్రంలోని అన్ని ప్రభుత్వ పాఠశాలల్లో త్వరలోనే రూల్బుక్ను అందుబాటులోకి తీసుకొస్తామని అస్సాం విద్యాశాఖ మంత్రి డా.రనోజ్ పేగు తెలిపారు. పాఠశాలను ఎలా నిర్వహించాలన్న అంశాలను అందులో పొందుపరుస్తామని చెప్పారు. అంతేకాకుండా విద్యార్థులకు అర్థమయ్యేలా తరగతులు ఎలా చెప్పాలన్న దానిపైనా అందులో కూలంకషంగా వివరిస్తామన్నారు. ఉపాధ్యాయులంతా ప్రభుత్వ ఆదేశాలను తప్పనిసరిగా పాటించాల్సిందేనని స్పష్టం చేశారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (26/04/24)
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
‘హీరామండీ’తో నా కల నెరవేరింది: సోనాక్షి సిన్హా