బెంగాల్‌లో పాక్షిక Lockdown 

కరోనా కేసులు భారీగా పెరుగుతున్న వేళ రాష్ట్రంలో పాక్షిక లాక్‌డౌన్‌ విధిస్తున్నట్టు బెంగాల్‌ ప్రభుత్వం వెల్లడించింది.....

Published : 30 Apr 2021 20:39 IST

కోల్‌కతా: కరోనా కేసులు భారీగా పెరుగుతున్న వేళ రాష్ట్రంలో పాక్షిక లాక్‌డౌన్‌ విధిస్తున్నట్టు బెంగాల్‌ ప్రభుత్వం వెల్లడించింది. షాపింగ్‌ కాంప్లెక్స్‌లు, బ్యూటీ పార్లర్లు, సినిమా థియేటర్లు, క్రీడా సంబంధిత ప్రదేశాలు, స్పాలు మూసివేస్తున్నట్టు తెలిపింది. మార్కెట్లు 5 గంటల పాటు (ఉదయం 7 నుంచి 10గంటల వరకు; మధ్యాహ్నం 3గంటల నుంచి సాయంత్రం 5గంటల వరకు) మాత్రమే తెరిచి ఉంచాలని నిర్ణయించింది. రెస్టారెంట్లు, బార్‌లు, జిమ్‌లు, స్విమ్మింగ్‌ పూల్స్‌ను మూసివేయాలని ఆదేశించింది. హోం డెలివరీ, ఆన్‌లైన్‌ సేవలను అనుమతించింది. ఈ ఆదేశాలు తక్షణమే అమలులోకి వస్తాయని ప్రభుత్వం ప్రకటించింది. తదుపరి ఆదేశాలు జారీచేసే వరకూ ఈ ఆంక్షలు అమలులో ఉంటాయని స్పష్టంచేసింది.

అన్ని సామాజిక, సాంస్కృతిక, వినోద, విద్యా సంబంధమైన సమావేశాలను నిషేధించింది. ఔషధ దుకాణాలు, వైద్య సంబంధిత పరికరాలు, నిత్యావసర సరకుల విక్రయాలకు ఈ పాక్షిక లాక్‌డౌన్‌ నుంచి మినహాయింపు ఇచ్చింది. అసెంబ్లీ ఎన్నికల ఫలితాలు మే 2న వెల్లడి కానున్నందున.. కౌంటింగ్ కేంద్రాల వద్ద కొవిడ్‌ నిబంధనలు పాటించాలని ఆదేశించింది. రాష్ట్రంలో రోజువారీ కేసులు భారీగా పెరుగుతున్నాయి. గురువారం ఒక్కరోజే రాష్ట్రవ్యాప్తంగా 17,403 కొత్త కేసులు, 89 మరణాలు నమోదయ్యాయి.

Read latest India News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని