Published : 18 Jan 2022 19:05 IST

Covid vaccine: ఐదుసార్లు కొవిడ్‌ టీకా తీసుకున్న వైద్యురాలు..!

పట్నా: ఇటీవల బిహార్​కు చెందిన ఓ వృద్ధుడు 11 సార్లు కరోనా టీకా తీసుకుని వార్తల్లో నిలిచారు. ఇప్పుడు అదే తరహా ఘటనే మరొకటి వెలుగులోకి వచ్చింది. బిహార్‌ రాష్ట్రానికే చెందిన ఓ వైద్యురాలు​ ఐదుసార్లు వ్యాక్సిన్​ తీసుకున్నట్లు అధికారుల దృష్టికి వచ్చింది. దీనిపై దర్యాప్తు చేపడుతున్నారు.

కొవిన్​ పోర్టల్​ వివరాల ప్రకారం.. బిహార్ రాజధాని పట్నాకు చెందిన సివిల్​ సర్జన్​ డాక్టర్​ విభా కుమారీ సింగ్ గతేడాది జనవరి 28న తొలిడోసు తీసుకున్నారు. మార్చి నాటికి పూర్తిస్థాయిలో వ్యాక్సిన్​ తీసుకున్నారు. ఈనెల 13న ప్రికాషన్​ డోసు కూడా తీసుకున్నారు. కానీ ఆమె గతేడాది ఫిబ్రవరి 6న, జూన్​ 17న కూడా టీకాలు​ తీసుకున్నట్లు ప్రభుత్వ రికార్డుల్లో నమోదైంది.

ఈ విషయంపై డాక్టర్​ విభా కుమారి స్పందించారు. తాను ఆ రెండు వ్యాక్సిన్లు తీసుకోలేదని.. ఎవరో తన పాన్​కార్డు వివరాలను ఉపయోగించి ఇలా చేసి ఉంటారని పేర్కొన్నారు. ఈ విషయంపై అధికారులు సమగ్ర దర్యాప్తు చేపట్టాలని విజ్ఞప్తి చేశారు. ఈ నేపథ్యంలోనే జిల్లా మెజిస్ట్రేట్​ చంద్రశేఖర్ సింగ్ స్పందించారు. నిందితులపై కఠిన చర్యలు తీసుకుంటామని వెల్లడించారు.

ఇదిలా ఉంటే.. తాను 11 సార్లు టీకా తీసుకున్నట్లు బిహార్‌లోని మాధేపుర జిల్లాకు చెందిన 84 ఏళ్ల వృద్ధుడు కొద్దిరోజుల క్రితం ప్రకటించాడు. టీకా వల్ల అనేక ప్రయోజనాలు ఉన్నాయని అందువల్లే అన్నిసార్లు వేసుకున్నానని పేర్కొన్నాడు. ఉదకిషన్‌గంజ్‌ సబ్‌ డివిజన్‌ ఒరాయ్‌ గ్రామానికి చెందిన బ్రహ్మదేవ్‌ మండల్‌.. గతేడాది ఫిబ్రవరి 13న తొలి డోసు తీసుకున్నాడు. అప్పటి నుంచి డిసెంబరు, 2021 వరకు 11 డోసులు పొందారు. ఏయే తేదీల్లో టీకా తీసుకున్నదీ ఆయన రాసి పెట్టుకోవడం విశేషం. ఈ సంగతి అధికారులకు తెలియడంతో.. స్పందించిన జిల్లా యంత్రాంగం ఆయనపై చర్యలు చేపట్టింది.

Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని