National News: కొండ మీద గుడి.. 390 మెట్లు చెక్కిన అ‘సామాన్యుడు’

భక్తుల కష్టాలను చూడలేక 1500 అడుగుల ఎత్తులో ఓ కొండపై ఉన్న ఆలయానికి 390 మెట్లు చెక్కి పలువురితో ప్రశంసలు అందుకుంటున్నాడు బిహార్‌కు చెందిన ఓ సామాన్య వ్యక్తి గనౌరి పాశ్వాన్‌. జహనాబాద్‌ జిల్లా కేంద్రానికి 30 కిలోమీటర్ల దూరంలో ఉన్న బన్వారియా గ్రామంలో.. ఓ కొండపై యోగేశ్వర్‌నాథ్‌ ఆలయం ఉంది. దానికి చేరడానికి భక్తులకు, ముఖ్యంగా మహిళలకు చాలా కష్టంగా ఉండేది. దీంతో వారు ఆలయానికి సులువుగా చేరేలా ఓ మార్గం నిర్మించాలనుకున్నాడు పాశ్వాన్‌. అలా 2014లో పని మొదలు పెట్టి దాదాపు 390 మెట్లు చెక్కాడు. తన గమ్యానికి మరో 10 మెట్ల దూరంలో ఉన్నాడు. యోగేశ్వర్‌నాథ్‌ ఆలయం పర్యాటక ప్రాంతంగా గుర్తింపు పొందాలనేది తన కోరికగా పేర్కొంటున్నారు పాశ్వాన్‌.