BJYM: 42 మందితో బీజేవైఎం జాతీయ కార్యనిర్వాహక కమిటీ.. తెలుగు రాష్ట్రాల నుంచి ఇద్దరికి చోటు

దిల్లీ: భాజపా యువమోర్చా (బీజేవైఎం) కొత్త జాతీయ కార్యనిర్వాహక కమిటీ ఎన్నికైంది. మొత్తం 42మంది సభ్యులతో భాజపా జాబితాను విడుదల చేసింది. దీంట్లో తెలుగు రాష్ట్రాల నుంచి ఇద్దరికి అవకాశం దక్కింది. ఏపీ నుంచి వంశీ యాదవ్‌, తెలంగాణ నుంచి డా. బి.శ్రీనివాస్ సోలంకి ఉన్నారు. ఈ కమిటీని భాజపా యువ మోర్చా జాతీయ అధ్యక్షుడు, ఎంపీ తేజస్వి సూర్య సోమవారం తన ట్విటర్‌లో ప్రకటించారు. కొత్త సభ్యులందరికీ అభినందనలు తెలిపారు. భారతమాతకు సేవచేసేందుకు, వినూత్న భారతదేశాన్ని నిర్మాణంలో భాగస్వామ్యానికి ఇదో గొప్ప అవకాశమని పేర్కొన్నారు. బీజేవైఎంను మరింత బలోపేతం చేసేలా పనిచేయాలని పిలుపునిచ్చారు.