Published : 09 Apr 2021 19:51 IST

కరోనా రోగులకు తోడుగా.. ‘దేవుడి చేయి’

బ్రెసీలియా: కరోనా మహమ్మారి ప్రపంచాన్ని అతలాకుతలం చేస్తోంది. వైరస్‌ సోకినవారు ఒంటరిగా జీవిస్తూ మానవ సంబంధాలకు దూరమవుతున్నారు. దాంతో కుంగుబాటుకు గురవుతున్నారు. దీనిని అధిగమించేందుకు బ్రెజిల్‌కు చెందిన నర్సులు వినూత్న ప్రయత్నం చేశారు. అందుకు వారేం పెద్దగా కష్టపడలేదు. వారి చిన్న ఆలోచన ప్రస్తుతం ప్రశంసలందుకుంటోంది. రెండు రబ్బర్‌ గ్లౌజుల్లో వేడి నీరు పోసి వాటిని కరోనా వార్డుల్లో చికిత్స పొందుతున్న రోగుల చేతికి ఇరువైపులా కడుతున్నారు. ఈ విధంగా చేస్తే తమకు అండగా ఓ వ్యక్తి ఉన్నాడనే భావన వారికి కలుగుతుందని నర్సులు చెబుతున్నారు.

ఆసుపత్రిలో చికిత్స పొందుతున్న రోగి చేతికి కట్టిన గ్లౌజుల ఫొటోను ఓ జర్నలిస్ట్‌ ట్విటర్‌లో పంచుకొని దానిని ‘దేవుడి చేయి’గా అభివర్ణించారు. కరోనా రోగుల బాధను తీర్చేందుకు నర్సులు చేస్తున్న కృషికి సెల్యూట్‌ అని పేర్కొన్నారు. ఆయన పంచుకున్న ఫొటో ప్రస్తుతం సామాజిక మాధ్యమాల్లో వైరల్‌గా మారింది. వేల మంది లైకులు, రీట్వీట్లు చేస్తున్నారు. విపత్కర పరిస్థితుల్లో రోగులకు అండగా ఉన్నామని తెలిపే వారి ప్రయత్నానికి అభినందనలు కురిపిస్తున్నారు. తమ పరిధిలోని ఆస్పత్రుల్లోనూ ఈ తరహా ప్రయత్నం చేయాలని అధికారులు, ఆసుపత్రి యాజమాన్యాలను కోరతామని మరికొందరు పేర్కొంటున్నారు.




Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని