Updated : 05 May 2021 21:29 IST

12ఏళ్లు దాటితే వ్యాక్సిన్‌.. కెనడా అనుమతి!

ఒట్టావా: కరోనా వైరస్‌పై పోరాటంలో కెనడా ప్రభుత్వం కీలక నిర్ణయం తీసుకుంది. తమ దేశంలో 12 ఏళ్లు దాటిన పిల్లలకు కూడా టీకా ఇవ్వాలని నిర్ణయించింది. 12 నుంచి 15 ఏళ్ల వయసు కలిగిన పిల్లలకు ఫైజెర్‌ వ్యాక్సిన్‌ మొదటి డోసు ఇచ్చేందుకు అనుమతిచ్చినట్టు ఆరోగ్య మంత్రిత్వశాఖ వెల్లడించింది. కరోనా మహమ్మారి నుంచి కాపాడటంతో ఆయా వయస్సు పిల్లలకు ఈ టీకా సురక్షితం,  సమర్థంగా పనిచేస్తుందని క్లినికల్‌ ట్రయల్స్‌లో తేలిందని ఆరోగ్య మంత్రిత్వశాఖ సీనియర్‌ అడ్వైజర్‌ సుప్రియా శర్మ వెల్లడించారు. జర్మనీకి చెందిన బయోఎన్‌టెక్‌ సంస్థతో కలిసి వ్యాక్సిన్‌ తయారు చేస్తున్న విషయం తెలిసిందే.

కెనడాలో ఇప్పటివరకు 12,49,950 మందికి కొవిడ్‌ సోకగా.. వారిలో 20శాతం మంది 19 ఏళ్ల లోపువారే కావడం గమనార్హం. మొత్తం కొవిడ్‌ రోగుల్లో 11,42,854 మంది కోలుకోగా.. 24,396 మంది మృతిచెందారు. ప్రస్తుతం అక్కడ 82,700 క్రియాశీల కేసులు ఉన్నాయి.

Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని