కరోనా నకిలీ వ్యాక్సిన్ల సరఫరా..80 మంది అరెస్టు

బీజింగ్‌: కరోనా పుట్టినిల్లుగా భావిస్తున్న చైనాలో కరోనా నిరోధక నకిలీ టీకాలు సరఫరా చేస్తున్న 80 మందిని పోలీసులు అరెస్టు చేశారు. కొన్ని నకిలీ టీకాలు ఇప్పటికే ఆఫ్రికా చేరినట్లు అధికారులు వెల్లడించారు. కరోనా వ్యాక్సిన్లకు సంబంధించిన నేరాలను అరికట్టేందుకు చేపట్టిన ప్రత్యేక డ్రైవ్‌లో భాగంగా 80 మందిని అరెస్టు చేశారని, 3000 మోతాదుల నకిలీ టీకాలను స్వాధీనం చేసుకున్నారని చైనా అధికారిక పత్రిక గ్లోబల్‌ టైమ్స్‌ తెలిపింది. బీజింగ్‌, జియాంగ్, శాన్‌డాంగ్‌ ప్రావిన్స్‌లలో పోలీసులు ఈ దాడులు చేశారు. గత సెప్టెంబర్‌ నుంచి నకిలీ టీకాలు తయారుచేసి వాటిని అధిక ధరలకు విక్రయిస్తూ నిందితులు లాభాలు పొందుతున్నారని అధికారులు తెలిపారు. కరోనా నకిలీ వ్యాక్సిన్లను అక్రమంగా ఆఫ్రికాకు రవాణా చేసినట్లు వెల్లడించారు. అయితే, వాటిని ఎలా దేశం దాటించారనే అంశంపై అధికారులు దర్యాప్తు చేస్తున్నారు. ఇలాంటి నేర కార్యకలాపాలను నివారించేందుకు ఇతర దేశాల సహకారం అందించాలని చైనా విదేశాంగ శాఖ విజ్ఞప్తి చేసింది.

ఇవీ చదవండి...

82 దేశాల్లో విస్తరించిన కొత్తరకం వైరస్‌

నావల్నీకి జైలు శిక్ష.. భగ్గుమన్న రష్యా!