అరుణుడి చిత్రాలను విడుదల చేసిన చైనా

ఇంటర్నెట్‌ డెస్క్‌: అంగారకుడిపై జీవం ఉనికి తెలుసుకునేందుకు గతేడాది చైనా తియెన్ వెన్-1 వ్యోమనౌకను పంపింది. అది అంగారకుడి కక్ష్యలో మూడు నెలల పరిభ్రమణం అనంతరం మే 14న విజయవంతంగా అరుణ గ్రహం మీద కాలుమోపింది. ఈ వ్యోమ నౌకలోని రోవర్‌ జూరాంగ్‌ పంపిన మార్స్ ఉపరితల చిత్రాలను చైనా అంతరిక్ష పరిశోధన సంస్థ సీఎస్‌ఏ విడుదల చేసింది. రోవర్‌లో ప్రత్యేకంగా అమర్చిన కెమెరా పది మీటర్ల ఎత్తులో ఫొటోలు తీసినట్లు పేర్కొంది. ఈ చిత్రాల్లో ఎరుపు వర్ణంలో అంగారకుడి ఉపరితలం మెరిసిపోతోంది. ఉపరితలంపై చిందర వందరగా పడిఉన్న రాళ్లు, దుమ్మును రోవర్ తన కెమెరాల్లో బంధించింది. వీటితో పాటు ల్యాండర్‌తో రోవర్ దిగిన సెల్ఫీ ఫొటోలను కూడా సీఎస్‌ఏ విడుదల చేసింది.