China: చైనా దూకుడు.. 3 రిమోట్​ సెన్సింగ్​ ఉపగ్రహాల ప్రయోగం

బీజింగ్‌: అంతరిక్ష ప్రయోగాల్లో చైనా దూకుడు ప్రదర్శిస్తోంది. శనివారం మరో మూడు రిమోట్​ సెన్సింగ్​ ఉపగ్రహాలను విజయవంతంగా ప్రయోగించింది. పశ్చిమ చైనాలోని సిచౌన్​ ప్రావిన్స్​, జిచాంగ్​ శాటిలైట్​ లాంచ్‌​ కేంద్రం నుంచి ఈ ప్రయోగం చేపట్టినట్లు చైనా వెల్లడించింది. యోగాన్​-35 విభాగానికి చెందిన ఈ మూడు ఉపగ్రహాలను లాంగ్​ మార్చ్​-2డీ రాకెట్ విజయవంతంగా అంతరిక్షంలోకి తీసుకెళ్లినట్లు చైనా అధికారిక మీడియా పేర్కొంది. లాంగ్​ మార్చ్​ సిరీస్​ రాకెట్స్​ ద్వారా చేపట్టిన 396వ మిషన్​గా తెలిపింది.

2019 మార్చిలో లాంగ్​ మార్చ్​-3బీ రాకెట్​ విజయవంతంగా నింగిలోకి దూసుకెళ్లింది. చైనా విజయవంతంగా పూర్తి చేసిన 300వ ప్రయోగంగా అది నిలిచినట్లు పేర్కొంది. లాంగ్​ మార్చ్​ వాహక రాకెట్​ సిరీస్​ను చైనా ఎయిరోస్పేస్​ సైన్స్​ అండ్​ టెక్నాలజీ కార్పొరేషన్​ అభివృద్ధి చేసింది. చైనా చేపట్టిన మొత్తం ప్రయోగాల్లో ఈ రాకెట్ల ద్వారానే 96.4 శాతం పూర్తి చేయటం గమనార్హం. తొలి వంద ప్రయోగాలకు 37 ఏళ్లు పట్టగా.. తదుపరి వందకు 7.5 ఏళ్లు, ఆ తర్వాత నాలుగేళ్లలోనే మరో వంద ప్రయోగాలను చైనా చేపట్టింది.