Corona: 21వేలు దాటిన కొత్తకేసులు.. లక్షన్నరకు చేరువైన బాధితులు

దిల్లీ: దేశంలో కరోనా మహమ్మారి వ్యాప్తి కొనసాగుతూనే ఉంది. కాస్త హెచ్చతగ్గులతో కొత్త కేసులు 20వేలకు పైనే నమోదవుతున్నాయి. తాజాగా 24 గంటల వ్యవధిలో 21వేలకు పైగా కేసులు రాగా.. పాజిటివిటీ రేటు 4.25శాతంగా ఉంది. ఇక యాక్టివ్‌ కేసుల సంఖ్య లక్షన్నరకు చేరువవడం ఆందోళన కలిగిస్తోంది. అయితే రికవరీలు కూడా పెరుగుతుండటం మాత్రం సానుకూలాంశం.

కరోనా వ్యాప్తిపై కేంద్ర ఆరోగ్యశాఖ వెల్లడించిన గణాంకాలు ఇలా ఉన్నాయి..

* 24 గంటల్లో దేశవ్యాప్తంగా నిర్వహించిన కరోనా పరీక్షలు - 5,07,360

* కొత్తగా నమోదైన కేసులు  - 21,566

* రోజువారీ పాజిటివిటీ రేటు - 4.25 శాతం

* 24 గంటల్లో కోలుకున్నవారు - 18,294 (మొత్తం రికవరీలు 4.31 కోట్లు)

* రికవరీ రేటు - 98.46 శాతం

* ప్రస్తుతం దేశవ్యాప్తంగా యాక్టివ్‌ కేసులు - 1,48,881

* క్రియాశీల కేసుల రేటు - 0.34 శాతం

* 24 గంటల్లో మరణాలు - 45 (మొత్తం మరణాలు 5.25 లక్షలు)

*  24 గంటల్లో పంపిణీ చేసిన వ్యాక్సిన్‌ డోసులు - 29.12 లక్షలు (పంపిణీ అయిన మొత్తం డోసులు 200.91 కోట్లు)