Published : 25 Sep 2021 21:33 IST

సీతారాం ఏచూరికి మాతృ వియోగం

దిల్లీ: సీపీఎం ప్రధాన కార్యదర్శి సీతారాం ఏచూరి మాతృమూర్తి కల్పకం ఏచూరి (88) శనివారం కన్నుమూశారు. వృద్ధాప్యంతో నెలకొన్న అనారోగ్య సమస్యలతో దిల్లీలోని ఓ ఆసుపత్రిలో చికిత్స పొందుతూ పరిస్థితి విషమించడంతో తుదిశ్వాస విడిచారు. చిన్నతనం నుంచే ఆమె పలు సామాజిక కార్యక్రమాల్లో చురుకుగా పాల్గొనేవారు. దుర్గాబాయి దేశ్‌ముఖ్‌కు అభిమానే కాక.. ఆమె బాటను కల్పకం తన జీవితాంతం అనుసరించారు. ఆమె మృతికి సీపీఎం సంతాపం ప్రకటించింది. ఆమె పార్థివ దేహాన్ని వైద్య పరిశోధనల నిమిత్తం అప్పగించాలని కుటుంబ సభ్యులు నిర్ణయించినట్లు ఆ పార్టీ తెలిపింది. కల్పకం మృతిపట్ల కేరళ ముఖ్యమంత్రి పినరయి విజయన్‌, వైకాపా ఎంపీ విజయసాయి రెడ్డి సహా పలువురు రాజకీయ ప్రముఖులు సంతాపం తెలియజేశారు. ఏచూరి పెద్ద కుమారుడు ఆశిష్‌ ఏచూరి ఏప్రిల్‌లో కొవిడ్‌తో కన్నుమూశారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని