Crime News: కోమాలో ఉన్నాడని చెబుతూ.. ఏడాదిన్నరగా ఇంట్లోనే మృతదేహం

ఏడాదిన్నర క్రితం మరణించిన ఓ వ్యక్తి మృతదేహానికి అంత్యక్రియలు చేపట్టకుండా ఇంట్లోనే ఉంచుకుంది ఆయన కుటుంబం. ఈ ఘటన ఉత్తర్‌ప్రదేశ్‌లో జరిగింది. రావత్‌పుర్‌లోని శివపురి ప్రాంతానికి చెందిన విమలేశ్‌(38) అహ్మదాబాద్‌లో ఆదాయపు పన్ను శాఖలో పనిచేసేవారు. 2021 ఏప్రిల్‌ 22న మరణించారు. ఆయన కోమాలో ఉన్నాడని అందరికీ చెబుతూ మృతదేహాన్ని ఇంట్లోనే ఉంచుకున్నారు కుటుంబసభ్యులు. విమలేశ్‌ భార్య మిథాలీ పింఛను కోసం ఆయన మరణ ధ్రువీకరణ పత్రాన్ని సమర్పించడంతో మొత్తం విషయం బయటపడింది. దీంతో పోలీసులు మృతదేహాన్ని స్వాధీనం చేసుకుని అంబులెన్స్‌లో ఆసుపత్రికి తరలించారు.