Delhi: పోలీసుస్టేషన్‌లోకి చొరబడి మరీ.. కానిస్టేబుల్‌పై రౌడీ మూక దాడి

దిల్లీ: దేశ రాజధాని దిల్లీలో షాకింగ్‌ ఘటన వెలుగులోకి వచ్చింది. ఓ అల్లరి మూక ఏకంగా పోలీసు స్టేషన్‌లోకి చొరబడి కానిస్టేబుల్‌పై దాడికి పాల్పడింది. కానిస్టేబుల్‌పై దాడి చేస్తున్నప్పటికీ.. తోటి పోలీసులు చోద్యం చూడటం గమనార్హం. అడ్డుకోకుండా పోలీసులే ఈ దాడిని వీడియో తీయడం విస్మయానికి గురిచేస్తోంది. ఆనంద్‌ విహార్‌ పోలీసుస్టేషన్‌లో ఈ ఘటన జరిగింది.

10-12 మంది గల ఓ అల్లరి మూక ఆనంద్‌ విహార్‌ పోలీసుస్టేషన్‌లోకి చొరబడి హెడ్‌కానిస్టేబుల్‌పై దుర్భాషలాడుతూ దాడికి పాల్పడ్డారు. ఈ ఘటన ఈనెల 3వ తేదీనే జరిగినప్పటికీ.. వీడియోలు బయటపడటంతో ఆలస్యంగా వెలుగులోకి వచ్చింది. ఈ దాడికి గల కారణాలు తెలిసిరాలేదు. వీడియోలు వైరల్‌గా మారి ఉన్నతాధికారుల దృష్టికి వెళ్లడంతో.. ఈ విషయాన్ని వారు సీరియస్‌గా తీసుకున్నట్లు తెలుస్తోంది. ఘటనపై దర్యాప్తు ప్రారంభించామని, నిందితులను పట్టుకునే ప్రయత్నంలో ఉన్నామని అధికారులు పేర్కొన్నారు.

► Read latest India News and Telugu News

► Follow us on Facebook, Twitter, Instagram, Koo, ShareChat, and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.