దిల్లీ ఘటనపై సమాచారమివ్వండి

ప్రజలను కోరిన దిల్లీ పోలీసులు

దిల్లీ: గణతంత్ర దినోత్సవం రోజు దిల్లీలో రైతులు తలపెట్టిన ట్రాక్టర్ల ర్యాలీ హింసాత్మకంగా మారిన విషయం తెలిసిందే. ఈ ఘటనకు సంబంధించిన ఏదైనా సమాచారం ప్రజల వద్ద ఉంటే తమకు అందించాలని దిల్లీ పోలీసులు విజ్ఞప్తి చేస్తున్నారు. ఈ మేరకు శుక్రవారం ఒక ప్రకటనను విడుదల చేశారు. ‘‘ పాత్రికేయులతో సహా ప్రజలందరికీ దిల్లీ పోలీసుల తరఫున ఓ విజ్ఞప్తి.. గణతంత్ర దినోత్సవం రోజు దిల్లీలో జరిగిన ఘటనకు ఎవరైనా ప్రత్యక్ష సాక్షులు ఉన్నా.. ఏదైనా సమాచారం, వీడియోలు, ఫొటోలు మీ వద్ద ఉన్నా పాత దిల్లీ పోలీసు ప్రధాన కార్యాలయానికి వచ్చి అందించవలసిందిగా కోరుతున్నాం. మీరు నేరుగా రాలేకపోయినా మా ఫోన్‌ నంబరు (8750871237)కు ఫోన్‌ చేసి గానీ, మెయిల్‌ గానీ చేయొచ్చు’’ అని పోలీసులు ఆ ప్రకటనలో విజ్ఞప్తి చేశారు. 

ఇవీ చదవండి..

బడ్జెట్‌ విశేషాలు తెలుసా..

చైనాతో పోరుకు ముందు..!