Updated : 14 Sep 2021 22:10 IST

PAK Terrorists Arrest: భారీ పేలుళ్లకు కుట్రలు.. ఆరుగురు పాక్‌ ఉగ్రవాదులు అరెస్టు!

దిల్లీ:  పండుగలను లక్ష్యంగా చేసుకొని భారీ పేలుళ్లకు ప్రణాళికలు రచించిన పాక్‌ ఐఎస్‌ఐ ప్రేరేపిత ముష్కర గ్రూపు కుట్రలను దిల్లీ పోలీసులు భగ్నం చేశారు. పాక్‌లోని ఐఎస్‌ఐలో శిక్షణ పొందిన ఇద్దరు ఉగ్రవాదులు సహా మొత్తం ఆరుగురిని అదుపులోకి తీసుకున్నట్టు వెల్లడించారు. దేశంలో రాబోయే పండుగలను లక్ష్యంగా చేసుకొని పలు చోట్ల పేలుళ్లకు కుట్రలు పన్నినట్టు పోలీసులు తెలిపారు. పలు ఏజెన్సీలు ఇచ్చిన సమాచారం మేరకు అప్రమత్తమైన పోలీసులు దిల్లీ, రాజస్థాన్‌, ఉత్తరప్రదేశ్‌లలో ఈ ఉదయం నుంచి గాలింపు చేపట్టారు. ఈ రోజు ఉదయం జరిపిన సోదాల్లో రాజస్థాన్‌లోని కోటలో మహారాష్ట్రకు చెందిన ఓ ఉగ్రవాది పట్టుబడినట్టు దిల్లీ ప్రత్యేక పోలీస్‌ విభాగం సీనియర్‌ అధికారి నీరజ్‌ ఠాకూర్‌ వెల్లడించారు. అలాగే, యూపీలోని యాంటీ టెర్రర్‌ స్క్వాడ్‌ (ఏటీఎస్‌) సహాయంతో ముగ్గురిని అదుపులోకి తీసుకోగా.. దిల్లీలో ఇద్దరిని పట్టుకున్నట్టు వివరించారు. వీరిలో ఇద్దరు ఉగ్రవాదులకు పాకిస్థాన్‌లోని ఓ ఫాంహౌస్‌లో 15 రోజుల పాటు ఉంచి ఆయుధాల వినియోగంపై శిక్షణ కూడా ఇచ్చారని పోలీసులు తెలిపారు.

యూపీలో అరెస్టు చేసిన ఉగ్రవాదుల నుంచి ఐఈడీ బాంబులతో పాటు పలు పేలుడు పదార్థాలను పోలీసులు స్వాధీనం చేసుకున్నారు. లఖ్‌నవూ, రాయ్‌బరేలీ, ప్రయాగ్‌రాజ్‌ (అలహాబాద్‌), ప్రతాప్‌గఢ్‌లలో ఏకకాలంలో సోదాలు జరిపినట్టు అదనపు డీజీపీ (లా అండ్‌ ఆర్డర్‌) ప్రశాంత్‌ కుమార్‌ వెల్లడించారు. ప్రయాగ్‌రాజ్‌లో ఒక లైవ్‌ ఐఈడీని స్వాధీనం చేసుకొని, బాంబు డిస్పోజల్‌ స్క్వాడ్‌ దీన్ని నిర్వీర్యం చేసినట్టు వివరించారు. ముగ్గురిని అదుపులోకి తీసుకున్నామని, వారి నుంచి మరింత సమాచారం సేకరించేందుకు ప్రయత్నిస్తున్నట్టు తెలిపారు.

Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని