ట్రాక్టర్‌ ర్యాలీకి పోలీసుల అనుమతి!

దిల్లీ: వ్యవసాయ చట్టాలను నిరసిస్తూ గణతంత్ర దినోత్సవం రోజున దేశ రాజధాని దిల్లీలో నిర్వహించ తలపెట్టిన ట్రాక్టర్‌ ర్యాలీకి దిల్లీ పోలీసులు అనుమతిచ్చినట్లు రైతు సంఘాల నేతలు తెలిపారు. 26న ఘాజీపూర్‌, సింఘు, టిక్రి సరిహద్దుల నుంచి ఈ ర్యాలీ ప్రారంభమవుతుందని రైతు నేత అభిమన్యు కోహర్‌ తెలిపారు. రాత్రికి పూర్తి వివరాలు వెల్లడవుతాయని చెప్పారు. ఈ మేరకు రైతు సంఘాలు, పోలీసుల సమావేశం అనంతరం ఆయన మీడియాతో మాట్లాడారు. ఈ ర్యాలీలో వేల మంది రైతులు పాల్గొంటారని మరో రైతు నేత గుర్నామ్‌ సింగ్‌ తెలిపారు. ఆ రోజు దిల్లీ సరిహద్దుల్లో ఏర్పాటు చేసిన బారికేడ్లు తొలగిస్తారని చెప్పారు. శాంతియుతంగా ఈ ర్యాలీలో పాల్గొనాలని రైతులకు నేతలు సూచించారు. 

ఇవీ చదవండి..
భారత్‌లో 150కి చేరిన యూకే స్ట్రెయిన్‌ కేసులు
మీ పేరు కమలా?..అయితే మీకో ఆఫర్!