Delta: అమెరికాలో డెల్టా వేరియంట్ విజృంభణ!
భారత్లో అమాంతం విరుచుకుపడిన కరోనా డెల్టా వేరియంట్ అమెరికాలో వేగంగా వ్యాప్తి చెందుతోంది. ఇతర వేరియంట్లతో పోలిస్తే డెల్టా వైరస్ ప్రధాన రకంగా మారిందని ఆ దేశ శాస్త్రవేత్తలు నిర్ధరించారు....
80 శాతం అవే కేసులు
వాషింగ్టన్: భారత్లో అమాంతం విరుచుకుపడిన కరోనా డెల్టా వేరియంట్ అమెరికాలో వేగంగా వ్యాప్తి చెందుతోంది. ఇతర వేరియంట్లతో పోలిస్తే డెల్టా వైరస్ ప్రధాన రకంగా మారిందని ఆ దేశ శాస్త్రవేత్తలు నిర్ధరించారు. అత్యంత వేగంగా వ్యాప్తి చెందుతూ చిన్నారులపై ప్రభావం చూపుతోందని ఆందోళన వ్యక్తం చేస్తున్నారు. అమెరికాలోని పలు ప్రాంతాల్లో నమోదవుతున్న కొత్త కేసుల్లో 80 శాతం కంటే అధికంగా డెల్టా రకం కేసులే వెలుగు చూస్తున్నట్లు అమెరికా వ్యాధి నియంత్రణ, నిర్మూలన కేంద్రం (సీడీసీ) వెల్లడించింది. మిస్సోరీ, కేన్సస్, అయోవా రాష్ట్రాల్లో 80 శాతం కేసులు డెల్టా వేరియంటే కావడం ఆందోళన కలిగిస్తోంది. ఉటా, కొలరాడో రాష్ట్రాల్లో పాజిటివ్గా తేలిన బాధితుల్లో 74.3 శాతం మందికి డెల్టా రకం సోకినట్లు సీడీసీ పేర్కొంది.
టీకా వేయించుకోని వారిపై డెల్టా వేరియంట్ ప్రభావం అధికంగా ఉన్నట్లు అమెరికా వైద్య నిపుణులు అన్నామోరీ డేవిడ్సన్ వివరించారు. కరోనా డెల్టా వేరియంట్కు సంక్రమణ తీవ్రత అధికమని.. దీన్ని తీవ్రమైనదిగా పరిగణించాలన్నారు. రానున్న రోజుల్లో ఇది మరింత వ్యాప్తి చెందే ప్రమాదం ఉన్నట్లు హెచ్చరించారు. గాల్వెస్టన్ కౌంటీ జిల్లా ఆరోగ్య శాఖ వివరాల ప్రకారం.. ఆ జిల్లాలో నమోదైన 450 కేసుల్లో.. 6-12 ఏళ్ల మధ్య వయసు గల చిన్నారుల్లో 57 మంది డెల్టా బారిన పడ్డారు. కాగా ప్రస్తుత అధ్యయనాలను దృష్టిలో ఉంచుకుని చిన్నారులతో బహిరంగ ప్రదేశాలు, ప్రార్థనా మందిరాలకు వెళ్లే మహిళలు, ఇతరులు జాగ్రత్తగా ఉండాలని వైద్యనిపుణులు సూచిస్తున్నారు.
చిన్నారులు, యువకులు ఎక్కువగా డెల్టా బారిన పడుతుండటంపై ఆరోగ్య సిబ్బంది ఆందోళన చెందుతున్నట్లు డేవిడ్సన్ తెలిపారు. డెల్టా సోకితే చాలా వరకు ఆస్పత్రుల్లోనే చికిత్స తీసుకోవాల్సి ఉంటుందని.. తీవ్రమైన శ్వాస సంబంధ సమస్యలను ఎదుర్కోవాల్సి ఉంటుందని వివరించారు. అమెరికాలో చిన్నారులపై డెల్టా వేరియంట్ ప్రభావం అధికంగా ఉన్న నేపథ్యంలో రెండేళ్లు దాటిన చిన్నారులు తప్పనిసరిగా మాస్కులు ధరించేలా చూడాలని తల్లిదండ్రులకు సూచించారు. డెల్టా సంక్రమించకుండా ఉండేందుకు 20అడుగుల వరకు భౌతిక దూరం పాటించాలని తెలిపారు. కరోనా స్పైక్ ప్రోటిన్లో ఉత్పరివర్తనం కారణంగానే డెల్టా అధికంగా వ్యాప్తి చెందుతున్నట్లు పేర్కొన్నారు. అమెరికాలో పూర్తిస్థాయిలో వ్యాక్సినేషన్ జరగకపోతే డెల్టా వేరియంట్ వ్యాప్తి భయంకరంగా ఉండే అవకాశం ఉన్నట్టు శాస్త్రవేత్తలు హెచ్చరిస్తున్నారు.
ఇవీ చదవండి
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని


తాజా వార్తలు (Latest News)
-
General News
Horoscope Today: ఈ రోజు రాశి ఫలం ఎలా ఉందంటే? (27/01/2023)
-
World News
Handsome Man: శాస్త్రీయంగా ప్రపంచంలోనే అందమైన వ్యక్తి ఎవరంటే?
-
India News
Arvind Kejriwal: చర్చలకు పిలిచిన సక్సేనా.. నో చెప్పిన కేజ్రీవాల్
-
Technology News
Cola Phone: కోకాకోలా కొత్త స్మార్ట్ఫోన్.. విడుదల ఎప్పుడంటే?
-
Movies News
Haripriya: ఒక్కటైన ‘కేజీయఫ్’ నటుడు, ‘పిల్ల జమీందార్’ నటి
-
World News
Pakistan: పాక్ సంక్షోభం.. కనిష్ఠ స్థాయికి పడిపోయిన రూపాయి