క్రొయేసియాలో భూకంపం.. ఏడుగురి మృతి

జాగ్రెబ్‌ : ఐరోపా ఖండంలోని క్రొయేసియా దేశాన్ని మంగళవారం భారీ భూకంపం కుదిపేసింది. రాజధాని జాగ్రెబ్‌కు ఆగ్నేయంగా 46 కిలోమీటర్ల దూరంలో భూకంప కేంద్రం ఉన్నట్లు గుర్తించారు. ప్రకంపనల తీవ్రత రిక్టర్‌ స్కేల్‌పై 6.3గా నమోదైంది. పెత్రింజా పట్టణంలో దాదాపు అన్ని భవనాలు తీవ్రంగా దెబ్బతిన్నాయి. ప్రజలు భయాందోళనలతో వీధుల్లోకి పరుగెత్తారు. ఏడుగురు మృతి చెందగా 20 మంది వరకూ గాయపడినట్లు అధికారులు వెల్లడించారు. మృతుల సంఖ్య ఇంకా పెరగవచ్చని తెలుస్తోంది. సహాయక చర్యల కోసం సైన్యాన్ని రంగంలోకి దించారు. ఇదే పట్టణంలో సోమవారం కూడా 5.2 తీవ్రతతో భూకంపం వచ్చింది. బుధవారం కూడా సహాయక చర్యలు కొనసాగనున్నట్లు అధికారులు తెలిపారు. 

ఇవీ చదవండి..
తల్లిదండ్రులపై కుమారుడి దాడి..తల్లి మృతి

ఏడేళ్ల బాలుడికి బియ్యం కార్డు