Chhattisgarh: ఘోర రోడ్డు ప్రమాదం.. 11 మంది మృతి

భాటపరా: చత్తీస్‌గఢ్‌(Chhattisgarh)లోని ​భాటపరాలో ఘోర రోడ్డు ప్రమాదం జరిగింది. ట్రక్కు- వ్యాన్‌​ ఢీ కొన్నాయి. ఈ ప్రమాదంలో 11 మంది మృతిచెందారు. మృతుల్లో నలుగురు చిన్నారులు కూడా ఉన్నారు. మరో పదిమందికి పైగా గాయపడ్డారు. సమాచారం అందుకున్న పోలీసులు హుటాహుటిన ఘటనా స్థలికి చేరుకొని.. సహాయక చర్యలు చేపట్టారు. క్షతగాత్రులను సమీప ఆస్పత్రులకు తరలించారు. 

కర్ణాటకలో ఐదుగురు మృతి: 

మరోవైపు కర్ణాటక(Karnataka) ధార్వాఢలోనూ రోడ్డు ప్రమాదం చోటు చేసుకుంది. లారీ -కారు ఢీకొని ఐదుగురు మృత్యువాత పడ్డారు. వారిలో ఒక చిన్నారి ఉంది.  నలుగురు గాయపడ్డారు. గురువారం రాత్రి ఈ ప్రమాదం జరిగింది. క్షతగాత్రులంతా ధార్వాడలోని  సమీపగ్రామ వాసులని పోలీసులు వెల్లడించారు.