China: చైనాలో ఘోర అగ్ని ప్రమాదం

బీజింగ్‌: చైనాలో ఘోర అగ్ని ప్రమాదం జరిగింది. హెనాన్‌  ప్రావిన్స్‌లోని ఓ మార్షల్‌ ఆర్ట్స్‌ స్కూల్‌లో ఈ ఘటన చోటుచేసుకుంది. ఈ ప్రమాదంలో 18 మంది మృత్యువాత పడ్డారు. మరో 16 మందికి గాయాలయ్యాయి. వీరిలో నలుగురి పరిస్థితి విషమంగా ఉన్నట్లు సమాచారం. మరో 12 మంది స్వల్ప గాయాలతో ఆస్పత్రిలో చికిత్స పొందుతున్నారు. అగ్నిమాపక బృందాలు ఘటనాస్థలానికి చేరుకుని మంటలను అదుపు చేశాయి. మార్షల్‌ ఆర్ట్స్‌ స్కూల్‌ ఇన్‌ఛార్జిని పోలీసులు అరెస్టు చేశారు. ఈ ప్రమాదం జరగడానికి గల కారణాలపై విచారణ ప్రారంభించారు.