శతాబ్ది ఎక్స్‌ప్రెస్‌లో అగ్ని ప్రమాదం

దెహ్రాదూన్‌: దిల్లీ-దెహ్రాదూన్ శతాబ్ది ఎక్స్‌ప్రెస్‌లో అగ్ని ప్రమాదం జరిగింది. షార్ట్‌ సర్క్యూట్‌ కారణంగా సీ-4 బోగీలో మంటలు చెలరేగాయి. మంటల ధాటికి సీ-4 బోగీ పూర్తిగా దగ్ధం అయింది. సమాచారం అందుకున్న సిబ్బంది వెంటనే మంటలు ఆర్పివేశారు. హరిద్వార్‌లోని రాజాజీ పులుల సంరక్షణ కేంద్రం వద్ద ఈ ఘటన జరిగింది. ఘటనా స్థలానికి చేరుకున్న రైల్వే సిబ్బంది సహాయక చర్యలు ప్రారంభించారు. మంటల్లో కాలిపోతున్న బోగీని ఇంజిన్‌ నుంచి వేరు చేశారు. అయితే ఈ ప్రమాదం నుంచి ప్రయాణికులందరూ సురక్షితంగా బయటపడ్డారని ఉత్తరాఖండ్‌ డీజీపీ వెల్లడించారు.