Updated : 21 May 2022 17:31 IST

Tunnel collapse: సొరంగంలో విషాదం.. ఆరు మృతదేహాలు వెలికితీత!

కొనసాగుతున్న సహాయక చర్యలు

జమ్మూ: జమ్ము కశ్మీర్‌లోని రాంబన్‌ జిల్లాలో నిర్మాణంలో ఉన్న సొరంగ మార్గం కూలిన ఘటనలో పెను విషాదం చోటుచేసుకుంది. శిథిలాల నుంచి తాజాగా మరో మృతదేహాం బయటపడింది. దీంతో ఈ దుర్ఘటనలో మృత్యువాతపడిన వారి సంఖ్య ఆరుకి చేరింది. ఈ ఘటనలో ఇప్పటివరకు ఆరుగురి మృతదేహాలను వెలికితీసినట్టు రాంబన్‌ పోలీసులు ప్రకటించారు. మృతదేహాలను జిల్లా ఆస్పత్రికి తరలించినట్టు తెలిపారు. మిగతా ముగ్గురి ఆచూకీ కోసం సహాయక చర్యలు కొనసాగిస్తున్నట్టు పేర్కొన్నారు. 

రాంబన్‌ జిల్లాలోని ఖూనీ నాలా వద్ద జమ్మూ-శ్రీనగర్‌ హైవేపై నిర్మిస్తున్న సొరంగ మార్గంలోని కొంత భాగం గురువారం రాత్రి కూలిపోయిన విషయం తెలిసిందే. గురువారం రాత్రి 10.30గంటల సమయంలో చోటుచేసుకున్న ఈ దుర్ఘటనలో తొమ్మిది మంది శిథిలాల కింద చిక్కుకుపోయారు. దీంతో పోలీసులు, స్థానిక అధికారులు సహాయక చర్యలు ముమ్మరంగా కొనసాగిస్తున్నారు. అయితే, సహాయక చర్యలు కొనసాగుతుండగానే శుక్రవారం సాయంత్రం తాజాగా మరో కొండచరియ విరిగిపడటంతో సహాయక చర్యలను తాత్కాలికంగా నిలిపివేశారు. ఈ ప్రమాదం నుంచి సహాయక చర్యల బృందంలోని 15 మంది తృటిలో తప్పించుకున్నారు.


Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని