plane crash: విమానం కుప్పకూలి ఐదుగురి దుర్మరణం

జుబా: దక్షిణ సుడాన్​ రాజధాని జుబాలో కార్గో విమానం కుప్పకూలింది. ఈ ఘటనలో అందులో ప్రయాణిస్తున్న ఐదుగురు మృతిచెందినట్లు అధికారులు వెల్లడించారు. ఈ విమానం ఆప్టిమమ్ ఏవియేషన్ లిమిటెడ్‌కు చెందినదిగా గుర్తించారు. జుబా ఇంటర్నేషనల్​ ఎయిర్​పోర్ట్​ నుంచి బయలుదేరిన ఈ విమానం టేకాఫ్​ అయిన కొద్దిసేపటికే కూలిపోయినట్లు అధికారులు వెల్లడించారు. మృతిచెందిన ఐదుగురిలో పైలెట్​తో పాటు సిబ్బంది ఉన్నట్లు పేర్కొన్నారు. వారిలో ఇద్దరు రష్యాకు చెందిన వారు కాగా.. మిగతావాళ్లు దక్షిణ సుడాన్​కు చెందిన వారని తెలిపారు. అయితే ప్రమాదానికి గల కారణాలు తెలియాల్సి ఉందన్నారు. దర్యాప్తు జరుపుతున్నట్లు తెలిపారు.