Published : 12 Nov 2021 23:50 IST

Viral video: ఆ ఏనుగు పేరు పునీత్‌ రాజ్‌కుమార్‌..

శివమొగ్గ: అమ్మను విడిచిపెట్టేందుకు చిన్నారులు ఎలా ఏడుస్తారో.. ఆ పిల్ల ఏనుగు అలాగే కంటతడి పెట్టింది. తల్లి ఏనుగు నుంచి విడదీసే యత్నాలను తీవ్రంగా ప్రతిఘటించింది. తప్పని సరి పరిస్థితుల్లో విడదీస్తోన్న అటవీ సిబ్బందిని చూసి ఘీంకరించింది. కానీ, శిక్షణలో భాగంగా ఏడు ఏనుగులతో వల పన్ని ఆ పిల్ల ఏనుగును తల్లి నుంచి వేరు చేశారు. తల్లిలేని కొత్త ప్రపంచాన్ని పిల్ల ఏనుగుకు పరిచయం చేసేందుకు అటవీ సిబ్బంది చిన్నపాటి యుద్ధమే చేయాల్సి వచ్చింది.

శిక్షణ ఇచ్చేందుకే ఈ రెండింటినీ విడదీసినా.. తల్లిని వీడలేక ఆ చిన్న ఏనుగు చేసిన పోరాటం అందరి హృదయాలను కదిలించింది. తల్లిని వీడుతూ ఆ గున్న ఏనుగు పెట్టిన కంటతడి అందరి మనస్సును బరువెక్కించింది. కర్ణాటకలోని శివమొగ్గ జిల్లాలో ఓ ఏనుగును తల్లి నుంచి అటవీశాఖ సిబ్బంది వేరు చేశారు. పిల్ల ఏనుగుకు శిక్షణ ఇచ్చేందుకే ఇలా చేసినట్లు అటవీసిబ్బంది తెలిపారు. తాళ్లతో బంధించి బలవంతంగా ఆ రెండు ఏనుగుల్ని వేరు చేశారు. ఈ పిల్ల గున్న ఏనుగుకు ఈరోజే పునీత్‌ రాజ్‌కుమార్‌ అని పేరు పెట్టారు. ప్రస్తుతం ఈ వీడియో వైరల్‌ అవుతోంది.


Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని