11,240 అడుగుల ఎత్తు నుంచి జారి పడి...
కెనడాకు చెందిన 16 ఏళ్ల గుర్బాజ్ సింగ్ అనే భారత సంతతి పర్వతారోహకుడు అమెరికాలోని మౌంట్ హుడ్ అనే పర్వతం నుంచి జారిపడి గాయపడ్డాడు. మంగళవారంనాడు గుర్బాజ్ తన మిత్రులతో కలిసి తన...
వాషింగ్టన్: కెనడాకు చెందిన 16 ఏళ్ల గుర్బాజ్ సింగ్ అనే భారత సంతతి పర్వతారోహకుడు అమెరికాలోని మౌంట్ హుడ్ అనే పర్వతం నుంచి జారిపడ్డాడు. అయితే అదృష్టవశాత్తు అతడు ఈ ఘటన నుంచి ప్రాణాలతో బయటపడ్డాడు. మంగళవారం మిత్రులతో కలిసి గుర్బాజ్ తన 90వ పర్వతారోహణలో భాగంగా అమెరికాలోని 11,240 అడుగుల ఎత్తయిన మౌంట్ హుడ్ పర్వతాన్ని అధిరోహిస్తున్నాడు. ఈ క్రమంలో మంచులో పట్టుతప్పి 500 అడుగులకు జారి పడినట్లు స్థానిక మీడియా తెలిపింది. దీంతో అతడి కాలికి గాయమైంది. దీని గురించి సమాచారం అందుకున్న వెంటనే రక్షణ బృందాలు రంగంలోకి దిగి 10,500 అడుగుల ఎత్తులో చిక్కుకున్న అతణ్ని క్షేమంగా బయటికి తీసుకువచ్చాయి.
హెల్మెట్ ధరించటం, అద్భుతమైన శిక్షణ వల్లే గుర్బాజ్ గాయాలతో తప్పించుకోగలిగాడని ఆస్పత్రి వర్గాలు తెలిపాయి. ‘‘నేను ఎంతో అదృష్టవంతుణ్ని. నా హెల్మెట్ నన్ను ప్రమాదం నుంచి కాపాడింది’’ అని గుర్బాజ్ అన్నాడు. ఈ ఘటనపై గుర్బాజ్ తండ్రి రిషమ్దీప్ సింగ్ స్పందించారు. ‘‘మంచు కారంణంగా గుర్జాజ్ ఇబ్బందిపడ్డాడు. జారిపడుతున్న సమయంలో తన వద్దనున్న గొడ్డలి సహాయంతో తన వేగాన్ని నియంత్రిచుకోవాలని ప్రయత్నించినప్పటికి అది సాధ్యపడలేదు. గాయం నుంచి కోలుకున్న వెంటనే తిరిగి మరోసారి పర్వతాన్ని అధిరోహిస్తాడు’’ అని ఆయన తెలిపారు. మౌంట్ హుడ్ పర్వతం అమెరికాలోని ఒరెగాన్లోనే ఎత్తయిన పర్వతం. ఏటా దీన్ని 10,000 మందికి పైగా సందర్శిస్తారని అమెరికా ఫారెస్ట్ అధికారులు తెలిపారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
తాజా వార్తలు (Latest News)
-
టీ20 ప్రపంచకప్నకు టీమ్ ఇండియాను మీరే ఎంపిక చేయండి!
-
సరిహద్దు దాటిన మానవత్వం.. భారతీయుడి దానంతో పాక్ యువతికి కొత్త జీవితం
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
-
నేటి రాశి ఫలాలు.. 12 రాశుల ఫలితాలు ఇలా... (25/04/24)
-
ఎన్నికల బరిలో ‘పొలిమేర’ నటి..
-
శిక్షణ నుంచి తప్పించుకున్న గుర్రాలు.. లండన్ వీధుల్లో హల్చల్!