ఈ ఏడాది 6 గ్రహణాలు

భారత్‌లో కన్పించనున్న మూడు

ఇండోర్‌: ఈ ఏడాది మొత్తం ఆరు గ్రహణాలు సంభవించనున్నాయి. ఇందులో నాలుగు చంద్ర గహణాలు కాగా.. రెండు సూర్య గ్రహణాలు. వీటిలో మూడు మాత్రమే భారత్‌లో కన్పించనున్నట్లు మధ్యప్రదేశ్‌లోని ఉజ్జయిని జీవాజీ అంతరిక్ష అధ్యయనకేంద్రం సూపరిండెంట్‌ డాక్టర్‌ రాజేంద్ర ప్రకాశ్‌ గుప్తా తెలిపారు. 

ఇక ఈ ఏడాదిలో తొలి గ్రహణం రేపే సంభవించనుంది. జనవరి 10-11 మధ్యరాత్రి సంపూర్ణ చంద్రగ్రహణం ఏర్పడనుంది. శుక్రవారం రాత్రి 10.36 గంటలకు గ్రహణం మొదలై 2.44 గంటల వరకు ఉంటుందని గుప్తా వెల్లడించారు. భారత్‌లో ఇది పాక్షికంగా కన్పించనుంది. ఆ తర్వాత జూన్‌ 5-6 మధ్య మరోసారి సంపూర్ణ చంద్రగ్రహణం ఏర్పడనుంది. ఇది మన దేశంలో పూర్తిగా కన్పిస్తుందని గుప్తా తెలిపారు. 

జులై 5, నవంబరు 30న కూడా చంద్రగ్రహణాలు సంభవించనున్నాయని అయితే వాటి ప్రభావం భారత్‌లో ఉండబోదని చెప్పారు. ఇక జూన్‌ 21న ఏర్పడే పాక్షిక సూర్యగ్రహణం భారత్‌లో కన్పించనుందట. డిసెంబరు 14న సంపూర్ణ సూర్యగ్రహణం ఉందని, కానీ భారత్‌లో కన్పించదని గుప్తా వెల్లడించారు.