Published : 31/01/2020 02:11 IST

ఎన్నికలకు భయపడే ఇలా చేస్తున్నారు: ఆప్‌

దిల్లీ: దిల్లీలో గురువారం చోటుచేసుకున్న కాల్పులకు భాజపాయే కారణమంటూ ఆమ్ఆద్మీ పార్టీ ఆరోపించింది. ఈ ఘటనపై ఆ పార్టీ నేత సంజయ్‌ సింగ్‌ మాట్లాడుతూ.. ‘రాబోయే శాసనసభ ఎన్నికల్లో ఓడిపోతామనే భయంతోనే భాజపా ఇలాంటి చర్యలు పాల్పడుతోంది. అందుకే ఇలాంటి చర్యల ద్వారా ఎన్నికల గడువును పొడిగించేందుకు ప్రయత్నిస్తోంది. భాజపా చర్యల వల్లే పోలీసులు అక్కడే ఉన్నప్పటికీ ఆపకుండా మౌనంగా ఉన్నారు’ అని ఆయన భాజపాపై ధ్వజమెత్తారు. 

మరోవైపు సీఏఏ వ్యతిరేక నిరసనల్ని ఆమ్‌ఆద్మీ పార్టీయే ప్రోత్సహిస్తోందని పలువురు భాజపా నాయకులు ఆరోపించారు. షాహిన్‌బాగ్‌లో జరిగిన నిరసనలకు కూడా ఆ పార్టీయే కారణమని నిందిస్తూ.. ఆ ఆందోళనలకు సంబంధించిన ఖర్చులను ఆప్‌ అభ్యర్థుల ఖర్చు కిందకే వేయాలని వారు ఈసీని కోరారు. అందుకు సంబంధించిన సాక్ష్యాలను, రికార్డులను ఈసీకి సమర్పించినట్లు భాజపా ప్రధాన కార్యదర్శి భూపేంద్ర యాదవ్ చెప్పారు. ఇలాంటి ఆందోళనలపై ఈసీ దృష్టి సారించాలని వారు కోరారు. ఈసీని కలిసిన వారిలో కేంద్రమంత్రులు హర్షవర్దన్‌, ముక్తార్‌ అబ్బాస్‌ నఖ్వీ సహా పలువురు ముఖ్య నేతలు ఉన్నారు. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని