ఆమె కరోనా నుంచి బయటపడిందట!

కొచ్చి: భారత్‌లో మొదట కరోనా సోకిన కేరళకు చెందిన మహిళ నెమ్మదిగా ఆ విషమహమ్మారి నుంచి కోలుకుంటున్నారు. ఆమె ఆరోగ్యానికి సంబంధించిన తాజా పరీక్షల్లో కరోనా నెగెటివ్‌గా తేలినట్లు కేరళ వైద్యాధికారులు సోమవారం తెలిపారు. సీనియర్‌ వైద్యాధికారి తెలిపిన వివరాల ప్రకారం.. చైనాలోని వుహాన్‌ నగరం నుంచి భారత్‌కు వచ్చిన ఓ మహిళకు జనవరి 10న పరీక్షలు నిర్వహించిగా కరోనా పాజిటివ్‌గా నిర్దారణ అయింది. దీంతో అప్పటి నుంచి ఆమె ఆస్పత్రిలో చికిత్స పొందుతున్నారు. తాజాగా ఆమె రక్త నమూనాలను  జాతీయ వైరాలజీ విభాగానికి(ఎన్‌ఐవీ) పంపగా.. కరోనా నెగెటివ్‌గా వెల్లడైనట్లు అధికారులు తెలిపారు. అయినప్పటికీ పుణెలోని ఎన్‌ఐవీ నుంచి వచ్చే రిపోర్టు కోసం వేచిచూస్తున్నామన్నారు. రాష్ట్రం మొత్తం మీద 3వేలకు పైగా వ్యక్తుల్ని పరిశీలనలో ఉంచినట్లు.. అంతేకాకుండా మరో 34 మందిని ఐసోలేషన్‌ వార్డులో ఉంచినట్లు చెప్పారు.  ఈమె భారత్‌లో మొదట కరోనా సోకిన మహిళ కావడం గమనార్హం. కాగా చైనాలో దీని బారిన పడి ఇప్పటి వరకు 908 మంది మరణించారు.