యెమెన్‌లో సౌదీ వైమానిక దాడి: 31 మంది మృతి

యెమెన్‌: సౌదీ నేతృత్వంలోని దళాలు యెమెన్‌పై వైమానిక దాడికి దిగాయి. జెట్‌ విమానాన్ని కూల్చడంతో 31 మంది పౌరులు మృతిచెందారు. ఈ ఘటనలో 12 మంది గాయపడ్డట్లు సమాచారం. ఈ విషయాన్ని ఐక్యరాజ్యసమితి ధ్రువీకరించింది. ఈ ఘటన యెమెన్‌ ఉత్తర ప్రావిన్స్‌లోని అల్‌ జాఫ్‌ ప్రాంతంలో చోటుచేసుకుంది. హౌతీ తిరుగుబాటుదారుల నియంత్రణలో ఉన్న పలు సైనిక స్థావరాలను లక్ష్యంగా చేసుకొని ఈ దాడులు జరిగినట్లు సమాచారం. అయితే అంతకుముందు రోజు యెమెన్‌లో సౌదీ జెట్‌ కూలిపోయింది. సౌదీ జెట్‌ను తామే కూల్చినట్లు హౌతీ తిరుగుబాటుదారులు ప్రకటించారు. ఈ నేపథ్యంలోనే ప్రతీకారంగానే ఈ దాడులు జరిగినట్లు తెలుస్తోంది. అయితే ఈ విషయంపై సౌదీ ఇంత వరకు ఎలాంటి ప్రకటన చేయలేదు.