Published : 17/02/2020 01:42 IST

వారు శాంతికి మిత్రులు..

దిల్లీ: పోలీసులు శాంతి భద్రతలు కాపాడే సమయంలో.. రెచ్చగొట్టే పరిస్థితులు తలెత్తినప్పటికీ ప్రశాంతంగా వ్యవహరించాలని కేంద్ర హోంమంత్రి అమిత్‌షా సూచించారు. కానీ దుర్మార్గుల నుంచి ప్రజలను రక్షించే విషయంలో మాత్రం కఠినంగా ఉండాలని అన్నారు. దిల్లీ పోలీసు 73వ ఆవిర్భావ దినోత్సవ కార్యక్రమంలో ఆయన పాల్గొన్నారు. ‘ఎలాంటి వివక్షత చూపకుండా శాంతి, భద్రతలు కాపాడటం పోలీసుల కర్తవ్యం. పోలీసులు ఎవరికీ శత్రువులు కాదు. వారు శాంతికి మిత్రులు. అందుకే వారిని ఎల్లప్పటికీ గౌరవించాలి’ అని హోంమంత్రి వెల్లడించారు.

ఎప్పటికీ పోలీసులను విమర్శించడం సరైంది కాదని.. వారి పాత్రను కూడా ప్రజలు అర్థం చేసుకోవాలన్న ప్రధాని మోదీ మాటలను షా వివరించారు. నేరాల్ని నివారించడంలో దిల్లీ పోలీసులు ప్రవేశపెడుతున్న పథకాలను ఆయన అభినందించారు. 112 డయల్‌ పథకం, స్మార్ట్‌ పోలీసింగ్‌తో పాటు సైబర్‌ నేరాల నుంచి ప్రజలకు కాపాడేందుకు ఫోరెన్సిక్‌ ల్యాబ్‌ సౌకర్యాలు కల్పించడం ప్రశంసనీయమన్నారు. దిల్లీ పోలీసు విభాగం ఉక్కు మనిషి సర్దార్‌ వల్లభాయ్ పటేల్‌ నేతృత్వంలో ప్రారంభం కావడం ఎంతో గర్వించదగిన విషయమని తెలిపారు. ఈ సందర్భంగా అమిత్‌షా.. 2001 పార్లమెంటు భవనంపై  జరిగిన ఉగ్ర దాడిలో అమరులైన పోలీసులకు నివాళులర్పించారు. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని