నా పేరు స్మృతిఇరానీ.. దేశం ఇండియానే

కేంద్రమంత్రి స్మృతిఇరానీకి ఈ మధ్య పేరు కష్టాలు మొదలయ్యాయట. ఆమె పేరులో ఇరానీ అనే పదాన్ని చూసి విదేశీ విమానాశ్రయాల్లో అడ్డుకుంటున్నారట. ఈ విషయాన్ని ఆమే స్వయంగా వెల్లడించారు

Published : 22 Feb 2020 13:55 IST

కేంద్రమంత్రి ఆసక్తికర సమాధానం 

లఖ్‌నవూ: కేంద్రమంత్రి స్మృతిఇరానీకి ఈ మధ్య పేరు కష్టాలు మొదలయ్యాయట. ఆమె పేరులో ఇరానీ అనే పదాన్ని చూసి విదేశీ విమానాశ్రయాల్లో అడ్డుకుంటున్నారట. ఈ విషయాన్ని ఆమే స్వయంగా వెల్లడించారు. అయితే అలాంటి సమయాల్లో తాను చెప్పే సమాధానం ఒకటే అని.. ‘నేను భారత్‌కు చెందిన ఇరానీని’ అని చెబుతానని అంటున్నారామె. 

ఉత్తరప్రదేశ్‌ రాజధాని లఖ్‌నవూలో జరుగుతున్న హిందుస్థాన్ శిఖర్‌ సమాగమ్‌ కార్యక్రమంలో స్మృతిఇరానీ పాల్గొన్నారు. ఈ సందర్భంగా ఆమె మాట్లాడుతూ.. విదేశాల్లో తనకు ఎదురైన వింత అనుభవం గురించి చెప్పారు. ‘‘నా పేరు చివర ఇరానీ అని ఉంటుంది. ఈ పేరు చూసి విదేశీ విమానాశ్రయాల్లో కొందరు అధికారులు నన్ను ఆపి ‘ఇది ఏ ఇరానీ’ అని అడుగుతుంటారు. అప్పుడు వాళ్లకు ‘నేను ఇండియా వాలీ ఇరానీ’ అని చెబుతా’’ అని స్మృతి చెప్పుకొచ్చారు. 

అమేఠీలో ఇళ్లు కట్టుకుంటున్నా..

ఈ సందర్భంగా తన లోక్‌సభ నియోజకవర్గం అమేఠీ గురించి ప్రస్తావించారు. తనను గెలిపించిన అమేఠీ ప్రజలకు ఎల్లప్పుడూ అందుబాటులో ఉండేందుకు ఇక్కడే ఇళ్లు కట్టుకుంటున్నా అని స్మృతి చెప్పారు. ‘నేను ముంబయి నుంచి ఎప్పుడో వచ్చేశా. అమేఠీలో మా ఇంటి నిర్మాణం ప్రారంభమైంది. ఇక అమేఠీ, దిల్లీల్లోనే ఉంటా’ అని స్మృతిఇరానీ తెలిపారు. 

Read latest India News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని