ఈసారి హోలీ జరుపుకోను: మోదీ

దిల్లీ: దేశంలో కరోనా వైరస్‌ కేసులు నమోదవుతున్న నేపథ్యంలో ఈసారి హోలీ పండుగలో పాల్గొననని ప్రధానమంత్రి నరేంద్ర మోదీ ప్రకటించారు. కరోనా వ్యాప్తి కట్టడి కోసం సాధ్యమైనంత వరకు ప్రజలు గుంపులుగా ఏర్పడవద్దని ప్రపంచవ్యాప్తంగా నిపుణులు సూచిస్తున్నారని వెల్లడించారు. అందుకే ఈసారి ఎటువంటి హోలీ కార్యక్రమాల్లో పాల్గొననని మోదీ ట్విటర్‌లో పేర్కొన్నారు.

మరోవైపు దేశవ్యాప్తంగా ఇప్పటివరక28 మందికి కరోనా సోకినట్లు కేంద్ర ఆరోగ్య శాఖ మంత్రి హర్షవర్ధన్‌ పేర్కొన్నారు. వైరస్‌ వ్యాప్తి చెందకుండా పటిష్ఠ చర్యలు చేపట్టినట్లు ఆయన వివరించారు.