ఆచూకీ దొరకని 335 మంది ప్రయాణికులు

చండీగఢ్‌: కరోనా వైరస్‌ ప్రభావిత దేశాల నుంచి వచ్చిన 335 మంది ప్రయాణికుల ఆచూకీ దొరకలేదని పంజాబ్‌ ప్రభుత్వం ప్రకటించింది. మార్చి 13 వరకు 6,011 మంది ప్రయాణికులు కరోనా ప్రభావిత దేశాల నుంచి వచ్చారని ఆరోగ్యశాఖ నివేదికలు చెబుతున్నాయి. వారిలో కరోనా లక్షణాలున్న 90 మందికి స్క్రీనింగ్‌ పరీక్షలు చేయగా 85 మంది కరోనా నెగెటివ్‌గా తేలింది. మిగిలిన ఐదుగురి పరీక్షల ఫలితాలు రావాల్సి ఉందని ఆరోగ్యమంత్రిత్వ శాఖ పేర్కొంది. ఇదిలా ఉండగా.. దేశంలో కరోనా కేసుల సంఖ్య 84కు చేరింది. అందులో 67 మంది భారతీయులు ఉండగా 17 మంది విదేశీయులు ఉన్నారు.